Зозе Мургоски

Од Википедија — слободната енциклопедија
Прејди на прегледникот Прејди на пребарувањето
Зозе Мургоски
Роден 3 октомври 1950
село Модрич, Струшко, СФРЈ
Националност Македонец
Занимање професор

Зозе Мургоски (роден на 3 октомври 1950 година во село Модрич, Струшко) — македонски професор на Филолошкиот факултет„Блаже Конески“ во Скопје.[1]

Животопис[уреди | уреди извор]

Зозе Мургоски основно, и средно образование завршил во Скопје, а потоа се запишал на Филолошкиот факултет во Скопје кој го завршил во 1976 година. Магистрирал на темата „Пасивне конструкције у енглеском и македонском језику“ на Филолошкиот факултет во Белград во 1984 година, а докторирал на темата „Начини на искажување идност во англискиот и македонскиот јазик“ на Филолошкиот факултет во Скопје во 1991 година. Работел како стажант на Филолошкиот факултет во Скопје (1981), помлад асистент (1982–1984), асистент по современ англиски јазик (1984–1991), доцент (1991–2001), вонреден (1996–2001) и редовен професор (2001).

На Катедрата за преведување и Катедрата за англиски јазик предавал Контрастивна анализа на англискиот и македонскиот јазик и Терминологија, а на постдипломските студии предава Техника на научната работа и Општа лингвистика и лексикографија. Неговиот научен интерес е свртен кон лексикографијата, контрастивната граматика, терминологијата и локализацијата на софтверот на македонски јазик.

Библиографија[уреди | уреди извор]

  • Македонско-англиски разговорник, Скопје, 1991;
  • Македонско-англиски речник, Велес, 1992;
  • Англиско-македонски речник, Скопје, 1993;
  • Англиско-македонски речник на идиоми, Скопје, 1993;
  • Англиско-македонски и македонско-англиски речник, Скопје, 1995;
  • Граматика на англискиот јазик, Скопје, 1995;
  • Речник на компјутерски термини, Скопје, 1996;
  • Деловен англиски, Скопје, 1996;
  • Македонско-англиски речник на идиоми, Скопје, 1996;
  • Граматика на англискиот јазик, Вежби, Скопје, 1997;
  • Англиско-македонски и македонско-англиски деловен речник, Скопје, 1997;
  • Англиско-македонски и македонско-англиски речник со граматика, Скопје, 1997;
  • Голем англиско-македонски речник, Скопје, 2001;
  • Голем македонско-англиски речник, Скопје, 2003;
  • Македонско-англиски-албански правен речник, Скопје, 2003 (со соавтори);
  • Речник на македонскиот јазик, Скопје, 2005;
  • Локализација и превод на македонски јазик на програмите на Мајкрософт Офис 2007 и Виндоус Виста, Скопје, 2008;
  • Англиско-македонски и македонско-англиски деловен и правен речник, Скопје, 2008;
  • Лексикон на странски зборови, Скопје, 2009;
  • Речник на македонскиот јазик. Второ проширено и преработено издание, Скопје, 2009;
  • Локализација и превод на македонски јазик на програмата Мајкрософт Офис Сервер ЛИП12, Скопје, 2009;
  • Толковен речник на современиот македонски јазик, второ проширено и преработено издание, Скопјe, 2011.

Наводи[уреди | уреди извор]

  1. Ристовски, Блаже, уред. (2009). „Мургоски“. Македонска енциклопедија. , книга II (М-Ш). Скопје: МАНУ. стр. стр. 999. Text "series " ignored (help)