Филолошки факултет „Блаже Конески“ - Скопје

Од Википедија — слободната енциклопедија
Прејди на: содржини, барај
Филолошки факултет „Блаже Конески“ - Скопје
Filozofski.jpg
Вид државен
Основан 1974
Декан д-р Анета Дучевска
Место Скопје, Македонија
flf.ukim.edu.mk

Филолошкиот факултет „Блаже Конески“ при Универзитетот „Св. Кирил и Методиј“ во Скопје е највисока образовна и научна и јавна установа од областа на филолошките науки во Република Македонија. Наречен е по истакнатниот книжевник и лингвист Блаже Конески (1921-1997) — еден од првите негови професори.

Основање[уреди | уреди извор]

Филолошкиот факултет бил основан со закон што го донела Владата на НР Македонија за организирање универзитет во Скопје во 1945 година и со посебно решение во 1946 година. Првиот декан бил Михаил Петрушевски, а првите предавања започнале на 16 декември 1946 како дел од тогашниот прв македонски факултет - филозофскиот факултет, кој е темелник на тогаш идниот македонски универзитет, денешниот „Св. Кирил и Методиј”. Денес факултетот постои веќе 63 години, а како самостојна институција од 1974. Во 1995 година Филолошкиот факултет бил преименуван во Филолошки факултет „Блаже Конески“.

Први професори[уреди | уреди извор]

Првите петмина професори на Филолошкиот факултет на универзитетот во Скопје биле:

Катедри[уреди | уреди извор]

Додипломските студии на факултетот траат четири години, а од 2005 година наставата се изведува според критериумите на европскиот кредит трансфер систем и Болоњската декларација. Наставно-научната работа на факултет е организирана и се изведува преку десет катедри. Се организираат последипломски студии од научните области јазик и книжевност, и тоа[1]:

Постојат исто така уште два оддела:

  • Оддел за настава по странски јазик на нематичните факултети
  • Центар за тестирање и сертифицирање на македонскиот јазик

Други изучувани јазици[уреди | уреди извор]

Покрај јазиците на катедрите, на факултетот се изучуваат и следниве јазици[2]:

Библиотека[уреди | уреди извор]

Филолошкиот факултет располага со девет библиотеки при соодветните катедри. Библиотеките располагаат со богат фонд на книги и списанија што го користат голем број студенти, наставници и научни работници од факултетот и надвор од него. Фондот на книги и списанија се обновува постојано со средства на факултетот, но и со донации на странски амбасади, културни центри и други институции на земји чии јазици се изучуваат на филолошкиот факултет.

Издавачка дејност[уреди | уреди извор]

Факултетот има и издавачка дејност. Покрај издавањето учебници за потребите на наставата, разни информативни и прирачни книги за студентите, се издаваат и низа монографски трудови од разни области на филолошките науки, речници и други лексикографски трудови.

Извори[уреди | уреди извор]

  1. www.flf.edu.mk Катедри при факултетот (македонски)
  2. Активни студиски програми, Филолошки факултет „Блаже Конески“

Надворешни врски[уреди | уреди извор]