Димче Кичевски
| Роден | 1 декември 1950 Бегниште, Кавадаречко, .svg){kind=small} СФР Југославија
|
|---|---|
| Починал | 8 август 2015 Скопје,  Македонија |
| Занимање | каратист и тренер |
Димче Кичевски (Бегниште, Кавадаречко, 1 декември 1950 - Скопје, 8 август 2015) — македонски легендарен каратист и тренер.
Биографија[уреди | уреди извор]
Кичевски е роден на 1 декември 1950 година во кавадаречкото село Бегниште. Тој дури 21 пат беше државен првак на Македонија и двократен првак на СФР Југославија, а во 1980 година стана и балкански првак. Во 1980 година Кичевски го освои бронзениот медал на ЕП во Австрија. Како тренер ги предводел карате клубовите Вардар и Водно, при што освоил шампионски титули на Македонија, а неговите каратисти освоиле и европски медали. Тој е првиот селектор на карате репрезентцаијата на Македонија, а неколку години бил и прв човек на Карате сојузот на Македонија. Последните години од животот ги поминал во кик-боксот, заедно со покојниот Љупчо Неделковски и неговата сопруга Александра, притоа судел мечеви од меѓународен карактер. Кичевски е добитник на повеќе награди, меѓу кои и „13 Ноември“[1] во 1983 година, признание кое го доделува Град Скопје. До 2013 година работел и како селектор на кик-бокс репрезентацијата на Македонија, а последните години од животот бил кик-бокс судија. Починал во Скопје на 8 август 2015 година.[2]
