Даница Ручигај

Од Википедија — слободната енциклопедија
Прејди на прегледникот Прејди на пребарувањето

Даница Ручигај (Скопје, 5 мај 1934 - Скопје, 26 јули 1963) — македонска поетеса.[1]

Биографија[уреди | уреди извор]

Даница Ручигај е родена во 1934 година во Скопје. Учела класична гимназија, каде што ги изучувала старогрчкиот и латинскиот јазик. Извесно време поминала во Грција. По завршувањето на средното образование, студира на Филозофскиот факултет во Скопје, каде што дипломирала југословенска книжевност, со што трајно и професионално се врзала за поезијата и за книжевноста. Својот краток работен век го поминала во Министерството за култура на СР Македонија.

Таа е авторка на две стихозбирки. Дебитирала со исповедната љубовна лирика „Сребрени, ноќни игри“ во 1960 и “Заробеници на ветерот“ во 1963 година. Со втората стихозбирка таа е претходничка на мотивскиот и јазичен нонконформизам на една цела плејада македонски поетеси[2]. Загинува трагично во Скопскиот земјотрес на 26 јули 1963 година. Од 2005 година во нејзина чест се доделува наградата „Даница Ручигај“ за најдобра дебитантска поетска книга[3].

Наводи[уреди | уреди извор]

  1. Миодраг Друговац, Историја на македонската книжевност XX век, 1990.
  2. Јасна Котеска. Македонско женско писмо, 2002.
  3. „Марга Велеска ја доби наградата „Даница Ручигај“ за најдобра дебитантска стихозбирка за 2006 година“ (македонски). IDIVIDI.com. недела, 15.11.2009. конс. 2009-11-15. 

Надворешни врски[уреди | уреди извор]