Геолог

Од Википедија — слободната енциклопедија
Прејди на прегледникот Прејди на пребарувањето
Создавање на геолошка карта
Геолог ги испитува на седиментните карпи во Мактеш Гадол, Негев, Израел.

Геолог е научник кој се бави со проучување на Земјата, нејзиното настанување и процесот со кој се обликувала. Геолозите во нивните проучувања применуваат и други науки, како: физика, хемија, биологија , итн. Споредувајќи ги со други научници, геолозите се повеќе изложени на теренска работа отколку во лабораторијата, и, се разбира, со оглед на предметот на проучување - Земјата. Како прв геолог се смета Џејмс Хатон,[1] кој во 1785 година објавил труд со наслов: „Теорија на Земјата“.

Геолозите се вклучени во истражувањата што се однесуваат на пронаоѓање метали, нафта, градежен камен и други природни ресурси. Покрај тоа, тие се во првите редови во текот на предвидувањето на природните опасности и катастрофи, изучувајќи ги земјотресите, вулканските активности, цунами, поплави, лизгање на земјиштето, и друго, резултатот од нивното изучување се користи за алармирање на јавноста за можноста на овие феномени, и нивниот размер.

Климатските промени во Земјината историја, што ги забележале геолозите се користат во модерните изучувања на климатските промени.

Геолошки истражувања се вршат и за потребите на изградбата, а резултатите од геолошките истражувања се користат за проектирање на мостови, патишта, аеродроми, брани, тунели, гасоводи, електрични централи, згради и други градежни проекти.

Ако предметот на проучување и истражување е свртен кон другите планети, а не Земјата, тогаш научникот кој се бави со тоа е наречен планетарен геолог.

Образование[уреди | уреди извор]

Геолошкото образование започнува со стекнување на неопходни знаења од хемија, физика, математика, и во зависност од ориентацијата и биологија. На геолошките катедри се изучуваат различни геолошки карактеристики како што се: геоморфологија, минералогија, петрологија, структурна геологија, хидрогеологија, геофизика. Покрај тоа, геолозите се школуваат со методи како: картографија, нацртна геометрија, геодезија, далечински уреди со покажувач и геолошка карта.

Кариера во геологијата[уреди | уреди извор]

Професионални геолози обично работат во широк спектар на владините служби, во приватни компании, непрофитни и академски институции.

Поврзано[уреди | уреди извор]

Наводи[уреди | уреди извор]

  1. James Hutton: The Founder of Modern Geology Архивирано March 3, 2016, во Wayback Machine., American Museum of Natural History