Во потрага по Шугармен (филм)

Од Википедија — слободната енциклопедија
Прејди на прегледникот Прејди на пребарувањето

Во потрага по Шугармен е документарен филм на шведскиот режисер Малик Бенџелул, добитник на наградата „Оскар“.

Факти за филмот[уреди | уреди извор]

Филмот „Во потрага по Шугармен“ е првиот филм на шведскиот режисер Малик Бенџелул, кој во 2013 година ги освоил наградата „Оскар“ и наградата на БАФТА за најдобар долгометражен документарен филм. Филмот е посветен на американската фолк-рок легенда од 1970-тите Сиксто Родригез - Шугармен.[1]

Содржина[уреди | уреди извор]

Дејството на филмот се одвива на релацијата Детроит - Кејптаун - Лос Анџелес, следејќи ги трагите кои водат до Сиксто Родригез, човекот кој на почетокот на 1970-тите снимил два албума со фолк-рок музика, кои не успеале да го привлечат вниманието на публиката во САД, но стекнале огромна популарност во Јужна Африка. Но, неговата популарност останала органичена на јужноафриканското подрачје, така што Родригез бил заборавен. Екипата која го снимила филмот го пронашла Родригез во Детроит, каде што тој живее како повлечен семеен човек, пензиониран градежен работник. Така, тој на возраст од 70 години дознава за својата слава во Јужна Африка, каде што неговите плочи достигнале дијамантски тиражи. Заедно со екипата на филмот, Родригез заминува за Кејптаун, каде се појавува пред своите бројни обожаватели.[2] [3]

Последиците на филмот[уреди | уреди извор]

Откако филмот ја добил наградата „Оскар“, повторно се појавил интерес за музиката на Шугармен, кој постанал голема светска [[ѕвезда], чии албуми се искачиле на врвот на топ-листите, а концертните промотори плаќале стотици илјади долари за да обезбедат негов концертен настап.[4]

Наводи[уреди | уреди извор]

  1. „Неверојатна животна приказна на музичарот Родригез“, Антена, број 814, 31.1.2014, стр. 3.
  2. Игор Иванов, „Во потрага по Шугармен“, Економија и Бизнис, година 16, број 180, јуни 2013, стр. 75.
  3. "Неверојатна животна приказна на музичарот Родригез", Антена, број 814, 31.1.2014, стр. 3.
  4. Игор Иванов, „Во потрага по Шугармен“, Економија и Бизнис, година 16, број 180, јуни 2013, стр. 75.