Ванче Стојчев

Од Википедија — слободната енциклопедија
Прејди на: содржини, барај
Роден 15 февруари 1951
Црвулево, Штипско , Македонија Македонија
Починал 30 септември 2009
Скопје , Македонија Македонија
Занимање историчар и професор


Ванче Стојчев (Црвулево, Штипско, 15 февруари 1951 - Скопје, 30 септември 2009) — македонски историчар, професор на Воената академија na арм, поранешен директор и основач на Воениот музеј на Македонија. Познат е по тоа што во 1997 година за време на својот престој во Турција го открил црешовото топче.[1]

Биографија[уреди | уреди извор]

Стојчев е роден на 15 февруари 1951 година во штипското село Црвулево. Завршил воени училишта во Сараево и во Белград, каде што истовремено го продолжил своето образование на Факултетот за политички науки, насока современа историја. Извесен период работел во Центарот за стратегиски истражувања на ЈНА, а во 1986 година магистрирал. По магистрирањето работел во Воено-историскиот институт во Белград каде што го продолжил своето усовршување. Во 1992 година на истиот факултет ја одбранил и докторската теза „Бугарскиот окупациски систем и геноцидната политика во Југославија 1941-1944 година“.

По распадот на Југославија, дошол во Македонија и се вработил на Воената академија „Генерал Михајло Апостолски“. Во 1995 година бил избран за доцент по предметот воена историја, потоа станал вонреден професор.

Професорот Стојчев е автор на над 180 научни трудови од областа на историјата од антиката до современата историја меѓу кои особено значаен труд е првата воена историја на Македонија. Последна негова книга била „Букурешкиот мировен договор и поделбата на Македонија во 1913 година“, која не дочекал да се изпечати.

Добитник е на наградата „13 Ноември“ на Град Скопје. До смртта бил професор на Правниот факултет на универзитетот Гоце Делчев во Штип. Починал во Скопје на 30 септември 2009 година.[2]

Надворешни врски[уреди | уреди извор]

Наводи[уреди | уреди извор]