Бутин

Млада жена бие путер
Жан-Франсоа Миле, 1848-1851 година
Музеј на ликовни уметности (Бостон)

Бутин^[1]^[2] или бучило — алатка која се користи за издвојување путер од млекото.

Опис[уреди | уреди извор]

Биењето се состои од механичко одвојување на честичките маснотии содржани во млекото (масни топчиња) од матеницата. Масните честички потоа се собираат заедно за да формираат зрна путер. Тие се вадат од бутинот, се мијат и се замесуваат. Биењето може да трае од околу триесет минути до два часа.

Модели бутини[уреди | уреди извор]

Првите бутини биле направени од кожа или дрво, подоцна биле изработувани од керамика. Индустриските бутини се направени од метал.

Постојат различни модели на бутини. Во Македонија бил познат само еден вид на бутин, т.н. вертикален бутин.

Вертикалниот бутин е долгнавест буревиден сад за правење на матеница и добивање на путер и млечна маст со помош на долго матало. Садот има капак со дупка низ која се движи маталото.