Бен Стилер

Од Википедија — слободната енциклопедија
Прејди на: содржини, барај
Бен Стилер
In the black and white image, Stiller is facing the camera. He  has his right arm crossed in front of him and left hand raised to his  chin, with the pointer finger right below his lips. He is wearing a  black suit.
Стилер во 2006
Роден(а) Бенџамин Едвард Стилер
ноември 30 1965 (1965-11-30) (воз. 51 г.)
Њујорк, Њујорк, САД
Занимање актер, комичар, режисер, продуцент, сценарисит
Активен 1975–
Сопруга Чализ Тејлор (2000–денес; 2 деца)

Бенџамин Едвард „Бен“ Стилер(роден 30 ноември, 1965 година) е американски комичар, актер, сценарист, филмски режисер и продуцент. Тој е син на ветеранските комичари и актери Џери Стилер и Ан Меара. Откако ја започна својата кариера со драма, Стилер напиша неколку лажни документарци и доби понуда за две од неговите шоуа, наречени Шоуто на Бен Стилер. Започна да глуми во филмови и своето режисерско деби го доби со филмот Реалноста гризе. За време на неговата кариера пишувал, глумел, режирал, и/или продицирал повеќе од педесет филмови вклучувајќи ги Тешки категории, Нешто во врска со Мери, Запознај ги родителите, Зулендер, Народна:Приказна за вистински аутсајдер, и Тропска грмотевица. Покрај тоа има неколку кратки појавувања во музички видеа, телевизиски шоуа и филмови заедно со Алекс Мерил. Стилер е член на комичното актерско братство колоквијално познато како Frat Pack. Неговите филмови на пазарот во САД и Канада имаат бруто заработувачка од над 2,1 милијарди долари, просечно 73 милиони долари по филм. За време на неговата кариера добил неколку награди и почести, вклучувајќи Еми награда, неколку Ем Ти Ви филмски награди и награди од „Избор на тинејџерите“.

Биографија[уреди | уреди извор]

Стилер е роден во Њујорк. Неговиот татко, Џери Стилер е Евреин, а неговата мајка Ан Меара е од ирско-католичко потекло. Меара премина во еврејството откако се омажи со Џери Стилер (иако фамилијата ги прославува и Ханука и Божиќ). Родителите на Стилер често го носеле на сетовите на нивните настапи, вклучувајќи го и настапот во Шоуто на Мајк Даглас кога имал шест години. Во едно интервју тој признал дека своето детство го смета за невообичаено: „На некој начин беше шоу-бизнис воспитување - многу патувања, останувања до доцна во ноќта, не е нешто што би го нарекле традиционално“. Неговата сестра Еми Стилер, имаше настапи во многу од неговите продукции, меѓу кои и Реалноста гризе, Народна: Вистинска приказна за аутсајдер и Зулендер. Покажа интерес за правење филмови и направи Super 8 со неговата сестра и пријателите. На 10-годишна возраст го имаше своето прво актерско деби како гостин во телевизиската серија на неговата мајка Кејт Мекшејн. Кон крајот на 1970 година настапувал со актерската екипа NYC's First All Children's Theater и глумел неколку улоги, како улогата на Паметниот Џек и Волшебното стебло грашок. За време на средното училиште инспириран од телевизиското шоу Втора Градска Телевизија, Стилер сфатил дека сака да глуми во кратки комедии. Тој го посетувал Катедралното училиште и матурирал во училиштето Калхун во Њујорк во 1983 година. Започнал да глуми во кабаре круговите, како воведна точка на кабаре сирената Жадин Вонг. Стилер тогаш се запишал на филмски студии при Универзитетот во Калифорнија, Лос Анџелес. По девет месеци го напуштил училиштето за да се пресели назад во Њујорк. Тој се пробил во актерството со часови по глума, учествал на аудиции, пробувајќи да најде застапник.

Актерска кариера[уреди | уреди извор]

Почетоците на кариерата[уреди | уреди извор]

Стилер успеа да добие улога во Бродевејската повторната постановка за Куќата на Сините Листови од Џон Гуар, заедно со Џон Махони. Продукцијата доби четири Тони Награди. За време на својата кариера, Стилер продуцираше сатиричен лажен документарец,а главната улога ја играше неговиот пријател Махони. Неговите комедии беа толку добро прифатени од актерската екипа и од тимот на претставата, што тој направи краткометражен филм од 10 минути наречен Измамникот на парите, пародија на филмот Бојата на Парите од Мартин Скорсес. Во пародијата тој го глумеше ликот на Том Круз, додека Махони ја играше улогата на Пол Њуман, но овојпат како куглачки измамник наместо екперт за билјард. Сабота навечер во живо, кој се појави во 1987 година го забележа краткометражниот филм и две години подоцна му понуди работа како сценарист. Во меѓувреме, тој имаше мал дел во филмот на Стивен Спилберг Империјата на Сонцето. Во 1989 година, Стилер напиша и се појави како истакнат изведувач во една сезона од Сабота невечер во живо. Секако, бидејќи шоуто повеќе не сакаше тој да прави краткометражни филмови за нив, Стилер замина по пет шоуа. Потоа ги состави Приказните за Елвис, краток филм за лажниот таблоид фокусиран на неодамнешните забележувања на Елвис Присли. Во филмот настапија неговите пријатели и партнери Џон Кјусак, Џереми Пив, Мајк Маерс, Енди Дик и Џеф Кан. Филмот се сметаше за успешен и го доведе до издавање на друг филм наречен Назад во Бруклин за Ем Ти Ви.

Шоуто на Бен Стилер[уреди | уреди извор]

Ем Ти Ви беа толку импресионирани од Назад во Бруклин, што му понудија шоу од тринаесет епизоди во „vid-com“-формат. Серијата наречена Шоуто на Бен Стилер, претставуваше мешавина од кратки комедии со музички видеа и пародии на различни телевизиски шоуа, музички ѕвезди и филмови. Стилер глумеше заедно со главниот сценарист Џеф Кан, Хари Рејли, неговите родители, кои се појавуваа повремено, како и неговата сестра Ан Меара. Иако шоуто се откажа по завршувањето на првата сезона, се појави друго шоу, со истото име на Фокс мрежата во 1992 година. Шоуто на Бен Стилер емитуваше 12 епизоди на Фокс, додека 13-та подоцна ја емитуваше Comedy Central. Помеѓу главните сценаристи на Шоуто на Бен Стилер беа: Стилер и Џад Апато, со целосната актерска екипа на Стилер: Жан Гарофал, Енди Дик и Боб Оденкирк. Денис Ричардс и Жан Триплхорн се појавија како додатни глуми во различни епизоди. За време на своето кратко траење Шоуто на Бен Стилер постојано беше последно на ранг листите и иако добиваше критички аплаузи по откажувањето, на крајот откако се откажа доби Еми награда за:„Извонредно лично достигнување за пишување во Вариете или Музичка Програма“.

Режисерско деби[уреди | уреди извор]

По неколку мали улоги во почетокот на 90-те, како што беа: Стела, Пат до Пеколот и краткото појавување во Лудата куќа, Стилер го посвети своето време на пишување, покачување на фондовите, придобивање на членови за актерска екипа, главни улоги, и режирањето на филмот Реалноста гризе. Филмот го продуцираше Дени де Вито-(кој подоцна го режираше филмот на Стилер-Дуплекс од 2003 година и го продуцираше филмот од 2004 година И тогаш дојде Поли. Реалноста гризе дебитираше како филм со највисока бруто заработувачка во негопвата прва недела и доби разновидни критики. Стилер им се придружи на родителите во филмот Тешки категории, во кој играше две улоги и потоа доби кратка некредитирана улога во фимот на Адам Сендлер:Happy Gilmore. Пред да се соочи со своите режисерски напори во филмот Момчето од Кабловската, со Џим Кери во главната улога, Стилер играше главна улога во филмовите Ако Луси падне и Флертувајќи со Катастрофа. Се појави уште еднаш во својот филм глумејќи близнаци. Филмот доби различни критики, но го забележаа поради највискоката плата по актер. Џим Кери заработи 20 милиони долари за неговото учество во филмот, кој беше поврзан со идните членови на Frat Pack:Џек Блек и Овен Вилсон. Во 1996 година, Ем Ти Ви го покани Стилер да биде водител на Mодните награди на VH1. Заедно со SNL писателот Дрејк Сатер, Стилер разви пародија за наградите, во кој главен лик беше машкиот модел познат како Дерек Зулендер. Филмот беше толку добро прифатен што Стилер направи уште еден пародија за истиот лик за VH1 Модните награди во 1997 година и на крај ја претвори во филм.

Кариера како комичар[уреди | уреди извор]

Во 1998 година Стилер ги трга настрана своите режисерски амбиции за да глуми во филмот Нешто во врска со Мери, заедно со Камерон Дијаз, што го забрза развојот на неговата актерска кариера. Истата година глумеше во неколку драми, вклучувајќи ги Ефект Нула,Твиоте Пријатели и соседи и Постојана полноќ. Музичките Видео Награди му понудија на Стилер да земе учество во водењето на настанот и за таа цел направи пародија на Бекстрит бојс и изведе скеч заедно со негвиот татко, коментирајќи ја својата сегашна кариера. Во 1999 година, глумеше во три филма, меѓукои и Мистериозен човек, каде ја играше улогата на имитатор на супер-херојот наречен г.Бесен. Се врати за да режира нови сатирични телевизиски серии за Фокс, наречени Жешката визија и Џек, со Џек Блек во главната улога, но по неговата пробна епизода Фокс не го избра шоуто и сериите се откажаа. 2000 година беше подобра за Стилер, бидејќи глумеше во уште три филма, вклучувајќи и една од неговите најпризнаени улоги, машката сестра Грег Фокер во филмот Запознај ги родителите заедно со Роберт де Ниро. Филмот беше позитивно прифатен од критичарите и имаше бруто заработувачка од над 330 милиони долари ширум светот. Во 2000 година Ем Ти Ви повторно го покани Стилер да направи уште еден краток филм и за таа цел покрај другите филмови, тој го направи и Чудна Мисија, пародија на улогата на Том Круз во Невозможна Мисија 2. Во 2001 година Стилер за VH1 Модните награди го режираше својот трет долгометражен филм Зулендер (Стилер во главната улога) и беше фокусиран на ликот Дерек Зулендер. Филмот се состоеше од неколку кратки појавувања на познати личностин меѓукои беа и: Доналд Трамп, Парис Хилтон, Лени Кравиц, Хајди Клум и Дејвид Боуви. Филмот доби забрана за прикажување во Малезија (поради сцените за обид за атентат врз премиерот на Малезија), додека Светскиот тргосвки центар дигитално ги отстрани и скри снимките за да може филмот да се издаде по 11-те терористички напади во септември. По соработката на Стилер со Овен Вилсон во Зулендер, тие повторно се здружија за Кралството Тененбаум. Во следните две години, Стилер продолжи со здодевниот филм Дуплекс и имаше неколку кратки појавувања во Портокаловата земја и Никој не знае ништо!. Гостуваше во неколку телевизиски шоуа, вклучувајќи ја и ретроспективата на епизода од телевизиската серија Кралот на Квинс, глумејќи го таткото на Артур ( Џери Стилер). Стилер се појави и како гостин на World Wrestling Entertainment’s WWW Raw. Во 2004 година настапи во шест различни комедии, а меѓунив се и оние со најголема бруто заработувачка: Старски и Хач, Завист, Народна:Приказна за вистиски аутсајдер, некредитираното појавување во Телевизиски водител: Легендата за Рон Бургунду, И тогаш дојде Поли и Запознај ги Фокерови. Додека Завист имаше бруто заработувачка од само 14.5 милиони долари ширум светот, неговиот најуспешен филм е Запознај ги Фoкерови, со бруто заработувачка над 516.6 милиони долари ширум светот. Во 2005 година Стилер започна со својот прв обид за компјутерско-анимиран филм- Мадагаскар, кој беше толку добар, што имаше втор дел, кој се појави во 2008 година. Во 2006 година Стилер имаше кратки улоги во Училиште за никаквеци и Истрајниот Ди во одбирањето на судбината, за кој беше и извршен продуцент. Во декември, Стилер ја имаше главната улога во Ноќ во музејот. Иако не им беше фаворит на критиките, филмот заработи повеќе од 115 милиони долари за десет дена. Во 2007 година заедно со Малин Акерман глумеше во романтичната комедија Срцекршач.Филмот имаше преку 100 милиони долари заработка ширум светот, без разлика на негативните коментари. Тропска грмотевица, филм кој го режираше, напиша, продуцираше и глумеше со него заедно со Роберт Донеу, Џ. и Џек Блек го издаде на 13 август, 2008 година. Во мај 2009 година, ја имаше главната улога заедно со Ејми Адамс во продолжението на Ноќ во музејот 2:Битката на Смитсониан. Во 2010 година, Стилер имаше кратко појавување во лажниот документарец на Хоакин Феникс Сè уште сум тука и ја играше главната улога во комичната драма Гринберг. Стилер повторно ќе го глуми Гејлор „Грег“ Факер во Малите Фокерови, продолжение на фимот Запознај ги родителите. Исто така сакаше и да го позајми својот глас на лик од филмот Мега ум, но се откажа и остана само продуцент.

Претстојни проекти[уреди | уреди извор]

Во 2011 година ќе им се придружи на Еди Марфи и Алан Аида во Tower Heist, филм за група одржувачи кои планираат грабеж во претседателскиот облакодер. Снимањето започна во 2010 година. Заедно со Том Круз, Стилер е поврзан во комичната адаптација на филмот Издржливите момчиња, наречен Издржливите луѓе. Познато е дека ќе глуми заедно со Вил Арнет и Кетрин Хејгл во Buggs P.I., кој ќе започне со снимање во 2011 година.

Frat Pack[уреди | уреди извор]

Стилер е признаен лидер на Frat Pack, централна група актери кои работат заедно во повеќе филмови. Во групата се Џек Блек, Вил Фарел, Винсе Вауг, Овен Вилсон, Лик Вилсон, Стив Карел и Пол Руд. Поради многубројните кратки појавувања и постојаната употреба на другите членови во филмовите кои тој ги режира и продуцира, Стилер е признаен за лидер. Тој се има појавувано најмногу со Овен Вилсон во десет филмови меѓукои: Момчето од кабловската (1996 г.), Постојана полноќ (1998 г.), Жешката визија и Џек (1999 г. телевизиска проба),Запознај ги родителите(2000г.), Зулендер (2001г.), Кралството Тененбаум'(2001г.), Старски и Хач(2004г.), Запознај ги Фокерови(2004г.), Ноќ во музејот (2006г.) и Ноќ во музејот: Битката на Смитсониан(2009г.). Од 35 филмови, кои се сметаат за филмови на Frat Pack, Стилер е вклучен во 20 од нив. Покрај тоа тој е единствениот член на оваа група кој се појавил во Brat Pack филм (Свежи коњи).

Приватен живот[уреди | уреди извор]

За време на својата рана телевизиска и филмска кариера Стилер, излегуваше со неколку познати актерки, вклучувајќи ги Џен Триплхорн, Калиста Флокхарт и Аманда Пит. Во мај 2000 година се ожени со Кристин Тејлор, која ја запозна за време на снимањето на телевизиската проба за Fox Broadcasting мрежата наречена Жешката визија и Џек, со Џек Блек во главната улога, која никогаш не се емитуваше. Парот заедно се појави на телевизиските екрани во Зуледер, Народна:Приказна за вистински аутсајдер и Тропска грмотевица. Тој и Тејлор живеат во Холивуд Хилс и имаат ќерка, Ела Оливија, родена на 10 април, 2002 година и син, Квилин Демпси, роден на 10 јули 2005 година. Стилер е поддржувач на Демократската партија и донираше пари за претседателската кампања на Џон Кери во 2004 година. Во февруари, 2007 година Стилер учествуваше на настапот за собирање средства за Барак Обама и подоцна донираше за претседателската кампања на Демократите- Oбама, Џон Едвардс и Хилари Клинтон. Тој е поддржувач на неколку добротворни оргазнизации како Изјасни се, Elizabeth Glaser Pediatric AIDS Foundation и Starlight Starbright Children's Foundation. Во 2010 година Стилер им се придружи на Џенифер Анистон, Кортни Кокс, Робин Вилијамс, и други Холивудски ѕвезди во “The Cove PSA: My friend is…’’, напор за да се спречи масовното убивање на делфините и да се заштити јапонската популација од токсичните нивоа на жива во месото од делфините. Стилер беше цитиран во интервју од 1999 година со GQ и подоцна во интервју од 2001 година со Holluwood.com, како вели дека има биполарно нарушување, болест која ја имаат членови од неговата фамилија. Во интервјуа од ноември и декември 2006 година тој изјави дека овие поранешни тврдења за ова заболувањето се лажни. Во едно интервју тој објасни :„На шега изјавив за GQ дека сум луд и излезе како: Бен Стилер, двојна манијачна депресија!“. Стилер постојано ги имитира неговите омилени изведувачи: Боно, Том Круз, Брус Спрингстин и Дејвид Блејн. Во интервју за Parade, тој кажа дека Робер Клејн, Џорџ Карлин и Џими Валкер се инспирација за неговата кариера како комичар. Стилер е и само-признаен Теки и се појави во специјалната телевизиска емисијаПатека на Ѕвездите: 30 години и понатаму, за да ја покаже љубовта кон шоуто, како и во комедијата за Вилијам Шатнер. Тој постојано го препорачува шоуто во својата програма и својата продукцентска компанија ја нарече Red Hour Productions по оригиналната епизода од Star Trek “The Return of the Archons”.

Филмографија[уреди | уреди извор]

Актер[уреди | уреди извор]

Година Филм Наслов Белешки
1987 Империја на Сонцето Деинти
1988 Најблизок роднина Лоренцо, Изабела
1989 Пример Пример Пример
1990 Џим Аптегров
1992 Лудата куќа Пи Тровер Кратко појавување
1994 Реалноста гризе Мајкл Грејтс Режисер
1995 Тешки категории Тони Перкис
1996 Момчето од кабловската Слаткиот Сем/Слаткиот Стен Режисер
1998 Постојана полноќ Џери Стал
1999 Мистериозен Човек Г.Бесен
2000 Чувајќи ја верата Рабин-Џејк Шрам
2001 Зулендер Дерек Зулендер Сценарист и режисер
2002 Портокалова земја Пожарникар 2003 Дуплекс Експер за праски Кратко појавување
2004 Запознај ги Фокерови Гејлорд, Грег, Фокер
2005 Мадагаскар Алекс Само глас
2006 Ноќ во музејот Лери Дејли
2007 Срцекршачот Еди Кентоу
2008 Тропска грмотевица Таг Спидмен Сценарист и режисер
2009 Ноќ во музејот 2: Борбата со Смитсониан Лери Дејли
2010 Гринберг Роџер Гринберг Номиниран- independent Spirit Awards- Награда за најдобра машка главна улога
2011 Tower Heist Џош Ковакс

Награди и почести[уреди | уреди извор]

•Стилер доби Еми награда за „ Извонредно лично достигнување за пишување во Вариете или Музичка Програма за неговата работа“во Шоуто на Бен Стилер.

•Беше номиниран 12 пати за Teen Choice Awards и доби :„Choice Hissy Fit“ за неговата глума во Зулендер. Исто така беше номиниран за :„Најдобра тепачка“ во Има нешто за Мери,„Најдобра Комична изведба“ во Запознај ги родителите и „Најдобар негативец“ во Народна:Приказна за вистински аутсајдер.

•Класот од 2005 при Универзитето во Принстон го прими Стилер како хонорарец во класот за време на неговата Апсолвентска Недела во април 2005 година.

•На 23 февруари, 2007 година, Стилер ја доби Hasty Pudding Man Наградата од Harvard’s Hasty Pudding Theatricals. Според организацијата наградата им беше доделена на изведувачи кои имаат траен и импресивен допринес за светската забава.