Арго

Од Википедија — слободната енциклопедија
Прејди на прегледникот Прејди на пребарувањето
Арго (околу 1500–1530), од Лоренцо Коста
Кованица од Јолк, 4 век п.н.е., со слика на Арго. На предната страна од кованицата: Главата на Артемида. На задната страна: Арго и написот - ΙΩΛΚΙΩΝ (на Јолкците).

Во старогрчката митологија, Арго (старогрчки јазик: Ἀργώ,со значење 'брз') бил бродот со кој Јасон и Аргонаутите пловеле од Јолк до Колхис за да го вратат Златното руно. Бродот е наречен по градителот, Аргус.

Легендата за бродот[уреди | уреди извор]

Арго бол изграден од бродоградителот Аргус, а посадата била заштитена од божицата Хера. Најдобар извор за овој мит е Аргонаутика од Аполониј Родоски. Според различни извори на оваа легенда, бродот Аргобил планиран или изграден од Атена. Според легендите за бродот, Арго имал магично парче дрво вградено во прамецот, што потекнувало од светата шума во Додона, а кое можело да зборува и да дава пророштва. По успешното патување, Арго бил посветен на Посејдон во Коринтскиот теснец. Потоа, бродот е пренесен на небото и претворен во соѕвездие.[1]

Неколкумина автори (Аполониј Родоски, Плиниј Постариот,[2] Филостефан) зборуваат за формата на овој брод. Опишан е како старогрчки воен брод, галија, а авторите претпоставуваат дека Арго бил првиот брод од ваков вид кој запловил по морињата.[1]

Градбата на бродот Арго[уреди | уреди извор]

Според некои извори, Арго бил првиот брод кој пловел по морињата, и бил изграден од Аргус и Атена. Токму божицата Атена го подучила Тифис да ги закачи едрата за јарболот, бидејќи му требало целото знаење за тоа како функционира бродот.[3] Според бродот посадата која што ја сочинувале избраните јунаци ја нарекувале Аргонаути, а некаде и Минијци.[4]

Наводи[уреди | уреди извор]

  1. 1,0 1,1 Оваа статија користи содржина од Циклопедија 1728, дело во јавна сопственост. [1]
  2. Hist. Nat. 1.c.56
  3. „The Argo“. Jason and the Argonauts. конс. 2016-04-10. 
  4. Robert Grevs, Grčki mitovi, Nolit, Beograd, 1992, str. 493 – 496.

Надворешни врски[уреди | уреди извор]