Џејсон Гранџер

Од Википедија — слободната енциклопедија
Прејди на прегледникот Прејди на пребарувањето
Џејсон Гранџер
Jayson Granger 15 - Saski Baskonia 20171215.jpg
Позицијаплејмејкер
Висина1,89 м
Тежина91 кг
ЛигаАЦБ лига
ЕкипаБасконија Басконија
Број15
Роден15 септември 1989 (1989-09-15) (29 г.)
Монтевидео, Уругвај
НационалностУругвај Уругвај
Италија Италија
Драфт2011 / Не драфтуван
Проф. кариера2007–
Кариера
2007–2013Естудиантес Естудиантес
2013-2015Уникаха Малага Уникаха Малага
2015-2017Анадолу Ефес Анадолу Ефес
2017-Басконија Басконија
Инфо од: 11.10.2017.

Џејсон Антони Гранџер Амодио (роден на 15 септември 1989 во Монтевидео) е уругвајски кошаркар, плејмејкер на Басконија.

Тој има и италијанско државјанство.

Биографија[уреди | уреди извор]

Џејсон Гранџер е син на Џеф Гранџер, американски професионален кошаркар, роден во Њу Џерси, кој играл во уругвајската кошаркарска лига во раните 1980-ти. Тој станал уругвајски државјанин и играл за уругвајската кошаркарска репрезентација. Подоцна тој се иселил во Монтевидео, Уругвај, каде што Џејсон се родил.[1]

Клупска кариера[уреди | уреди извор]

Младински категории[уреди | уреди извор]

Роден во Монтевидео, Уругвај, Гранџер играл за младинските категории на уругвајскиот клуб Атлетико Кордон.

Естудијантес[уреди | уреди извор]

Гранџер играјќи за Естудијантес во 2013.

Во декември 2005 година, Гранџер дошол на проби во шпанскиот тим Естудијантес, а подоцна во 2006 тој потпишал договор со нив, на возраст од само 16 години.[2]

Сепак, уругвајскиот клуб на Гранџер, Атлетико Кордон, побарал обештетување, што значи дека Гранџер можел да игра само во аматерското 4-то ниво на шпанскиот кошаркарски лигашки систем, Лига ЕБА, за една и пол година, додека трибуналот на ФИБА го одлучувал случајот. Трибуналот конечно му доделил на уругвајскиот клуб компензација од 25.000 евра во 2007 година, при што Гранџер бил многу критикуван во однос на активностите спрема неговиот поранешен тим.[3][4]

Во текот на летото 2007 година, учествувал во американскиот камп Кошарка без граници, и бил избран за МВП на кампот.[5] Гранџер го направил своето деби во АЦБ лигата, првото ниво на шпанската кошарка, за време на сезоната 2007-2008.[2] За време на сезоната 2012-2013 тој имал просек од 11 поени и 3.4 асистенции по натпревар во шпанската АЦБ лига.[2]

Уникаха Малага[уреди | уреди извор]

Гранџер во Уникаха Малага

Во јули 2013 Гранџер играл на Летната лига на НБА 2013, со екипата на Бостон Селтикс, запишувајќи 6 поени и 3.6 асистенции по натпревар, за околу 18 минути во просек по натпревар, во 5 натпревари.[6]

По истекот на неговиот договор со Естудијантес, тој потпишал со друг шпански клуб Уникаха Малага, подоцна истиот месец, откако нивната понуда неговиот поранешен клуб не можел да ја изедначи.[2] Во првата сезона во дресот на Уникаха одиграл 40 натпревари во шпанската лига со просек од 9.8 поени, 4.5 асистенции и 2.2 скока по натпревар. Исто така дебитирал во Евролигата каде на 24 натпревари имал просек од 7.5 поени, 3.4 асистенции и 2.1 скока по натпревар.

Во јули 2014 повторно учествувал во Летната лига на НБА овојпат со екипата на Кливленд Кавалирс, каде имал просек од 2.3 поени и 1 асистенција во просек по натпревар, во 4 одиграни натпревари.[7]

Грaнџер бил избран во тимот на шпанската АЦБ лига за сезоната 2014-15, откако бил избран како еден од двата најдобри бекови во лигата, заедно со Серхио Љуљ. Тој имал во просек 9.7 поени, 3.3 скока, 5.2 асистенции и 1.2 украдени топки по натпревар во регуларниот дел од сезоната во лигата. Тој, исто така, одиграл клучна улога на патот на неговиот тим до полуфиналето на плејофот каде биле елиминирани од Барселона со 3-2 во победи.[8][9]

Анадолу Ефес[уреди | уреди извор]

На 26 јуни 2015, Гранџер потпишал двегодишен договор со турската екипа Анадолу Ефес.[9][10] Во октомври 2015 со клубот го освоил Суперкупот на Турција со победа од 76-74 над Пинар Каршијака.

Басконија[уреди | уреди извор]

На 16 август 2017 година, Гранџер потпишал тригодишен договор со Басконија враќајќи се во шпанската АЦБ лига по две години пауза.[11]

Титули[уреди | уреди извор]

Турција Анадолу Ефес[уреди | уреди извор]

Наводи[уреди | уреди извор]

  1. „URU - Granger now in the mix“. FIBA. Madrid. 18 March 2013. конс. 29 June 2015. 
  2. 2,0 2,1 2,2 2,3 „Jayson Granger, tercer fichaje del Unicaja“ [Jayson Granger, third signing for Unicaja]. Baloncesto Málaga (Spanish). 17 July 2013. Архивирано од изворникот на 1 July 2015. конс. 28 June 2015. 
  3. „Decidieron quitarlo del plantel“ [They decide to remove him from the squad]. ESPN Deportes (Spanish). EFE. 1 July 2009. конс. 28 June 2015. 
  4. Lopez, Hector (13 November 2007). „Eurobasket news report (11/13/2007) - Estudiantes Madrid will have to pay 25.000 euros to sign Granger“. Eurobasket.com. конс. 28 June 2015. 
  5. „Basketball without Borders Americas Day 4 Recap“. NBA. 7 August 2007. конс. 28 June 2015. 
  6. „Jayson Granger #40 - Celtics“. NBA. конс. 28 June 2015. 
  7. „2014 Summer League Player Profile - Jayson Granger“. NBA. конс. 28 June 2015. 
  8. „Mejor Quinteto de la Liga Endesa 2014-15“ [The best five of the 2014-15 Liga Endesa]. Liga ACB (Spanish). 21 May 2015. конс. 28 June 2015. 
  9. 9,0 9,1 „Anadolu Efes Istanbul inks point guard Granger“. Euroleague. 26 June 2015. конс. 28 June 2015. 
  10. Jayson Granger Anadolu Efes’te...“, 26 јуни 2015 (посет. 26 јуни 2015 г). (на Turkish)
  11. Jayson Granger, dirección y potencia física para Baskonia - Saski Baskonia“, „Saski Baskonia“, 16 август 2017 (посет. 16 август 2017 г). (на es-ES)

Надворешни врски[уреди | уреди извор]