Фристејт

Фристејт Vrystaat Foreistata
Површина	129,480 km²
Население	2.706.776
Јазици:	сото (62%) африканс (14%) коса (9,5%)
Раси:	Црнци (88,0%) Кавкази (8,8%) Обоени (3,1%) Азијати (0,1%)
Главен град:	Блумфонтејн
Најголем град:	Блумфонтејн
Премиер:	Беатрис Маршоф (АНК)

Фристејт (англиски: Free State) е покраина во Јужноафриканската Република. Претходното име на оваа покраина било Оринџ Фристејт (Orange Free State). Седиште на Фристејт е Блумфонтејн, кој е исто така и судскиот главен град на ЈАР. На 9 јуни, 1995 година, името на покраината беше сменето од Оринџ (Орање) Фристејт во Фристејт. Сегашните граници на Фристејт се од 1994, кога Бантустанците беа приклучени кон покраините на Јужна Африка.

Фристејт е сместен на рамнина, во срцето на Јужноафриканската Република. Почвата е плодна, а климата поволна, дозволувајќи солиден развој на земјоделска индустрија. Покраината е позната како "корпата за леб" на ЈАР, бидејќи постојат над 30.000 фарми кои произведуваат преку 70% од вкупното производство на пченица во земјата. Во овој дел од ЈАР се наоѓаат некои од најпродуктивните рудници за злато и дијаманти во светот.