Мис Стон (филм)

„Мис Стон“
плакат
Режирано од	Жика Митровиќ
Сценарист	Ѓорѓи Абаџиев Трајче Попов
Настапуваат	Олга Спиридоновиќ Илија Милчин Марија Точиноски Илија Џувалековски Петар Прличко Виктор Старчиќ
Музика	Иван Рупник
Кинематографија	Миленко Стојановиќ
Монтажа	Воислав Бјењас
Дистрибутер	Вардар филм
Премиера	1958
Времетраење	96 минути
Држава	Македонија
Јазик	македонски

Мис Стон е македонски историски филм од 1958 година, режиран од Жика Митровиќ, со Олга Спиридоновиќ, Илија Милчин, Марија Точиноски, Илија Џувалековски, Петар Прличко и Виктор Старчиќ во главните улоги.

Содржина

Дејствието на филмот е сместено во 1901 година и истото се базира на вистински настан - грабнувањето на американската протестантска мисионерка Мис Стон (во филмот ја игра Олга Спиридоновиќ) од страна на Јане Сандански (Илија Милчин) и неговата чета.

За откуп на Мис Стон се побарани 25.000 златни лири кои на четата на Јане Сандански ѝ се неопходни за набавка на оружје. Меѓутоа, ова барање треба да се потпише и од Мис Стон. Таа категорично одбива да го направи ова, но откако минува низ неколку борби водени со турскиот аскер, застанува на страната на комитите и го потпишува писмото, чии барања, на крајот и се исполнети.

Награди

На Филмскиот фестивал во Пула во 1959 година, Олга Спиридоновиќ ја добива наградата „Златна арена“ за главна женска улога, а Петре Прличко се закитува со истото признание кај мажите. „Златна арена“ добива и Василие Поповиќ - Цицо за неговата работа со сценографијата. Филмот, исто така, добива почесни дипломи на фестивалите во Единбург, 1960 година и Њу Делхи во 1961 година.

Надворешни врски

• Мис Стон на МИФЦ.

• Мис Стон на Интернет Филмската База на податоци.