Зулу
| Зулу | ||
|---|---|---|
| isiZulu | ||
| Зборуван во |  ЈАР Зимбабве Лесото Малави Мозамбик Свазиленд |
|
| Регион | Квазулу-Натал, Дурбан, Јоханесбург | |
| Вкупно говорници | мајчин: 10 милиони втор јазик: 16 милиони |
|
| Ранг | 68 | |
| Семејство | нигер-конгоанско | |
| Официјален статус | ||
| Службен во | ЈАР |
|
| Регулативен орган | Панјужноафрикански јазичен совет | |
| Јазични кодови | ||
| ISO 639-1 | zu | |
| ISO 639-2 | zul | |
| ISO 639-3 | zul | |
Зулу (isiZulu) е банту-јазик, официјален јазик во Јужноафриканската Република и мајчин јазик на народот Зулу. Јазикот го зборуваат околу 10 милиони луѓе, воглавно во Јужноафриканската Република. Овој јазик е јазик кој најмногу се зборува по домаќинствата во државата, односно го зборуваат околу 24% од домаќинствата и го разбираат околу 50% од населението на државата. Во 1994 година јазикот станал единаесети официјален јазик во Јужноафриканската Република. Зулу, како и сите останати банту-јазици, користи латиница како свое основно писмо.
Содржина |
[уреди] Географска распространетост
Зулу припаѓа на Југоисточната група на банту-јазиците поточно на групата нгуни. Јазикот се зборува во Квазулу-Натал во која 81 % од населението зборуваат Зулу како мајчин јазик. Потоа се зборува во Мпумаланга со околу 26% и Гаутенг со околу 21%. Исто така е зборуван во некои други африкански држави, но со значителен процент во Лесото и Свазиленд. Јазиците Ндебеле (зборуван во Зимбабве), Сисвати или Свази и Нгуни јазикот (порано зборуван во Малави) се сродни јазици на Зулу и развиени од 19 век со миграција на Зулу население. Јазикот Коса, доминантен во Зеленортската Република е сличен со Зулу јазикот.
[уреди] Примери
| Sawubona | Здраво, на една личност |
| Sanibonani | Здраво, на група луѓе |
| Unjani? / Ninjani? | Како си? / Како сте? |
| Ngisaphila / Sisaphila | Добар сум. / Добри сме. |
| Ngiyabonga (kakhulu) | Благодарам (многу) |
| Ngubani igama lakho? | Како се викаш? |
| Igama lami ngu... | Моето име е... |
| Isikhathi sithini? | Колку е часот? |
| Ngingakusiza? | Може да помогнам? |
| Uhlala kuphi? | Каде престојуваш? |
| Uphumaphi? | Од каде си? |
| Hamba kahle / Sala kahle | Оди со добро / Остани со добро (исто како „пријатно“ за една личност) |
| Hambani kahle / Salani kahle | Оди со добро / Остани со добро (исто како „пријатно“ за група личности) |
| Eish! | леле! |
| Hhayibo | Не! / Доста! / Нема шанси! |
| Yebo | Да |
| Cha | Не |
| Angazi | Не знам |
| Ukhuluma isiNgisi na? | Дали зборуваш англиски? |
| Ngisaqala ukufunda isiZulu | Штотуку почнав да учам Зулу. |
[уреди] Користена литература
[уреди] Надворешни врски
- Запис за Зулу на Ethnologue
- Фрази на Зулу на Википатување
- Јужноафрикански јазици - Зулу
- Краток список фрази на англиски, Зулу и јапонски
- Основни зборови на Зулу
- Граматика на Зулу
- Матријали за Зулу
- isiZulu.net Зулу-англиски речник
- Зулу-англиски речник
