Белоушка

Белоушка
Заштитен статус
Најмала загриженост (МСЗП 2.3)
Научна класификација
Царство:	Animalia
Тип:	Chordata
Класа:	Reptilia
Ред:	Squamata
Подред:	Serpentes
Фамилија:	Colubridae
Потфамилија:	Natricinae
Род:	Natrix
Вид:	N. natrix
Биномен назив
Natrix natrix (Linnaeus, 1758)
Синоними
Coluber natrix Linnaeus, 1758 Natrix vulgaris Laurenti, 1768 Tropidonotus natrix Boie, 1827

Белоушка (латински: Natrix natrix) , која исто така се нарекува и барска змија припаѓа во фамилијата Colubridae и подфамилијата Aglypha. Овој вид на змија не е отровен.

Опис

Зад главата од двете страни има бело-жолти дамки во полумесечеста форма. Бојата на телото варира, но најчесто е сива со мали црни дамки, додека на долниот дел е бел и исто така е прекриен со црни дамки. Исто така, постои и целосно црн вид.

Максималната должина може да изнесува од 2-3 метри, но најчесто растат од 1-1,5 метри.

Исхрана

Се хранат со мали риби, жаби, додека со глувци и помали птици се хранат откако најпрво ќе ги задават. Кога лови се прикрадува и набрзина го фаќа својот плен.

Размножување

Женките во лето положуваат јајца на топло и влажно место. За таа цел може да послужи депонијата на зеленчук во фаза на распаѓање, бидејќи распаѓањето формира топлина која е потребна за развој на потомството. Јајцата се обвиткани со мека мембрана, и често меѓусебно се залепени заедно. Постои верување дека јајцата имаат чудотворни својства, и се нарекуваат петлови јајца.

Распространетост

Белоушката е една од најраспространетите змии во Европа, исто така може да се сретне и во западна Азија и северна Африка. Живее во мирни и слатки барски води, а поретко може да се види и во човечки населби. Се брани од луѓето така што се свиткува во куп и напаѓа со заби или со изметот.

Подвидови

• N. n. cetti
• N. n. helvetica
• N. n. natrix
• N. n. persa
• N. n. schweizeri