Јапонски ариш
| Јапонски ариш | |
|---|---|
 |
|
| Кора и листови | |
| Заштитен статус | |
| Научна класификација | |
| Царство: | Растенија |
| Оддел: | Четинари |
| Класа: | Четинари |
| Ред: | Боровидни |
| Фамилија: | Борови |
| Род: | Ариши |
| Вид: | L. kaempferi |
| Биномен назив | |
| Larix kaempferi (Ламб.) Кар. |
|
Јапонскиот ариш (латински Larix kaempferi, јапонски 唐松 (карамацу)) е вид на ариш со потекло од Јапонија, поточно од планинските предели на регионите Чубу и Канто во средишниот дел на Хоншу.[1]
Ова е листопадно иглолисно дрво, средно до високо по големина, достигнувајќи височина до 20-40 m, со пречник на трупот до 1 m. Крошната му е широка и конусна; главните и гранки му се хоризонтални, а страничните исто така, со ретки исклучоци. Фиданките му се диморфични, со тоа што растот се дели на долги фиданки (10-50 cm) со неколку пупки, и кратки фиданки (1-2 mm) со само една пупка. Листовите му се иглични, светло-синозелени, со должина од 2-5 cm; пред да паднат на есен стануваат светлжолти до портокалови, така оставајќи ги розово-кафените фиданки голи сѐ до следната пролет.[1]
Шишарките им се исправени, јајчесто-конусни, со должина од 2-3.5 cm, и со 30-50 семени лушпи свиени на рабовите; во младоста тие се зелени, а кога ќе созреат се отвораат и ги пуштаат семињата, што се случува 4-6 месеци по опрашувањето. Старите шишарки остануваат на дрвото долги години, и по боја се сиво-црни.[1]
Дрвото вирее на надморска височина од 500-2,900 m на добро исцедена почва, и избегнува расквасена земја.
Научниот назив дрвото го носи во чест на германскиот природонаучник Енгелберт Кемпфер. Дрвото е познато и по синонимот Larix leptolepis.
[уреди] Употреба
Јапонскиот ариш има важна улога во шумарството, и се одгледува ширум северна и средна Јапонија (на север до Хокаидо), но исто така нашироко и во северна Европа, особено во Велика Британија. Дрвото му е цврсто и трајно, и се користи за општо градежништво. Често се среќаваат и огради од мали аришови прачки.
[уреди] Наводи и надворешни врски
- ↑ 1,0 1,1 1,2 Farjon, A. (1990). Pinaceae. Drawings and Descriptions of the Genera. Koeltz Scientific Books ISBN 3-87429-298-3.
- Група на специјалисти за четинарите (1998). Larix kaempferi. „Црвен список на МСЗП - Загрозени видови“ од 2006 год. МСЗП 2006. Вчитано на 12 мај, 2006.
- База на податоци за зимзелени дрва: Larix kaempferi (англиски)
[уреди] Галерија
-
Гранки
-
Машки (поленови) шишарки (горните две), и незрели женски (семени) шишарки (под нив)
-
Сува шишарка
-
Стара шишарка и млади иглички израснати од гранката
 |
Заедничката Ризница има податотеки поврзани со: „Јапонски ариш“ |
