Паричник

Паричник или портфељ (француски: portefeuille) – моден додаток со џебна големина кој се користи за носење на пари, лични документи (лична карта, возачка дозвола, итн.) како и банкарски картички (кредитни картички, готовински картички), членски картички, визит-карти и сл.

Во почетокот паричникот бил типично машки моден додаток, но сè повеќе и повеќе бил користен и од жените наместо портмоне, затоа што бил позгодни за носење, а и поелегантен од портмонето.

Машкиот паричник вообичаено се носи во задниот десен џеб на панталоните или во џеб од сакото. Во големите градови и во туристичките места, се препорачува да се носи во внатрешен џеб, на гради, како холстер или слично, за да се избегне кражба.

Модели

Двата најчести модели на паричници се:

паричник на преклоп (две крила, се отвора како книга)
паричник со двоен преклоп (третото крило се надоврзува на едно од двете крила и се преклопува во средината).

Паричниците и од двата модела дополнително може да располагаат со:

втор голем џеб за банкноти
портмоне (формирано од џеб со копче за закопчување)
дополнително проѕирно џепче (на пример за лична карта)

Вообичаено машките паричници се со големина од 10x10 cm или 14x10 cm. Повеќето се црни или кафеави и дозволени се сите тонови.

Женските паричници вообичаено се двапати поголеми од машките модели, понекогаш имаат ремче (стил рачна торба) и многу често се во боја.

Повеќето паричници се изработени од телешка или биволска кожа или кожи од егзотични животни (алигатор, крокодил, ној, питон, анаконда, гуштер, ајкула, итн.), а некогаш и од разни видови кожи.

За широка потрошувачка постои широка палета на паричници од пластика или други синтетички материјали, платнени паричници, алуминиумски или од обична кожа со среден квалитет, вклучувајќи ги и имитациите на егзотични кожи.

Денес, цената на обичните паричници е под 50 €, на оние од егзотични кожи цените почнуваат од 200-400 €, а на оние по нарачка цените почнуваат околу 1800 €.

Во случај на кражба, загубата на пари е најмалата мака споредено со постапките за да се добијат документите. Кражба на паричник во странство каде личните документи се неопходни за враќање дома може да биде драматично.

Надворешни врски

Паричник на Ризницата ^?