The Shirelles
| The Shirelles | |
|---|---|
 The Shirelles во 1962; од горе во насока на стрелките на часовникот: Ади Харис, Ширли Овенс, Беверли Ли и Дорис Коли | |
| Животописни податоци | |
| Познат(а) и како |
|
| Потекло | Пасаик, Њу Џерси, САД |
| Жанрови | |
| Период на активност | 1957–1982 |
| Издавачи | |
| Поранешни членови | |
| |
The Shirelles ― американска женска група основана во 1957 година во Пасаик, Њу Џерси. Во групата членувале школските другарки Ширли Овенс (подоцна Ширли Алстон Ривс), Дорис Коли (подоцна Дорис Кенер-Џексон), Ади „Мики“ Харис (подоцна Ади Харис Мекфејден) и Беверли Ли.
Групата е основана во 1957 година со цел да учествува на натпревар за таленти во средното училиште. Набрзо потпишале договор со Флоренс Гринберг од Tiara Records. Нивната прва песна, „I Met Him on a Sunday“, била издадена од Тиара и лиценцирана од Decca Records во 1958 година. По краткиот и неуспешен период со Decca, ѝ се приклучиле на Гринберг во нејзината новооснована компанија, Scepter Records. Таму соработувале со Лутер Диксон, а групата се популаризирала со песната „Tonight's the Night“. За време на соработка со Диксон и промоцијата на групата од страна на Scepter, Shirelles седум пати се пласирале на топ 20 листата. Го напуштиле Scepter во 1966 година. По ова, не можеле да ја задржат стекнатата популарност.
Музиката на The Shirelles се опишува како „мелодија на наивни ученички“ што е во спротивност на сексуалната тематика во многу нивни песни. Нивна заслуга е започнувањето на жанрот женска група. Нивната музика била прифатена од белата и од црната публика во САД, пред тоа да им успее на изведувачите од Motown, и тоа се смета како почетен успех на Движењето за граѓански права. Добиле многу почести и признанија, меѓу кои е и Пионер наградата од Фондацијата за ритам и блуз, во 1996 година биле примени во Куќата на славните од рокенролот, а Ролинг Стоун во 2004 година ги вброил меѓу 100-те најголеми уметници на сите времиња. Rolling Stone на својата листа на најдобри песни на сите времиња избрал две песни од The Shirelles, „Will You Love Me Tomorrow“ и „Tonight's the Night“. Во 2022 година, Конгресната библиотека одлучила нивниот дебитантски албум Tonight's the Night да биде зачувуван во Националниот регистар на снимки поради „културно, историски или естетско значење“. [1]
Дискографија[уреди | уреди извор]
Студиски албуми[уреди | уреди извор]
| Година | Албум | Billboard 200 | Издавач |
|---|---|---|---|
| 1960 | Tonight's the Night | – | Scepter Records |
| The Shirelles Sing to Trumpets and Strings | – | ||
| 1962 | The Shirelles and King Curtis Give a Twist Party | – | |
| Baby It's You | |||
| 1963 | Foolish Little Girl | 133[2] | |
| 1965 | Hear and Now | – | Pricewise Records |
| Swing the Most | – | ||
| 1967 | Spontaneous Combustion | – | Scepter Records |
| 1971 | Happy and in Love | – | RCA Records |
| 1972 | The Shirelles | – | |
| 1973 | Eternally, Soul | – | Scepter Records |
Наводи[уреди | уреди извор]
- ↑ „National Recording Registry Inducts Music from Alicia Keys, Ricky Martin, Journey and More in 2022“. Library of Congress (англиски). Посетено на 23 June 2022.
- ↑ „The Shirelles Foolish Little Girl Chart History“. Billboard. Архивирано од изворникот на 2019-04-28. Посетено на 2019-11-20. Занемарен непознатиот параметар
|deadlink=(се препорачува|url-status=) (help)
Надворешни врски[уреди | уреди извор]
- Shirelles во Doo Wop Heaven
- Официјална веб-страница на Beverly Lee's The Shirelles
- The Shirelles на Curlie (англиски)
|