3dfx Interactive

Од Википедија — слободната енциклопедија
Прејди на прегледникот Прејди на пребарувањето
3dfx Interactive
ТипАкционерско друштво
Oснована1994
Основач(и)Рос Смит, Скот Селерс, Гери Тароли
СедиштеСан Хозе, Калифорнија
Дејностполупроводници и графички картички
ПроизводиVoodoo графичка серија

3dfx Interactive (се чита: 3ДФИКС Интерактив) — поранешна американска компанија со седиште во Сан Хозе, Калифорнија. Компанијата развиваше и произведуваше 3Д графички акцелератори (забрзувачи), подоцна графички картички во втората половина на деведесеттите години од минатиот век.

Првиот производ, Voodoo1 (кодно име: SST-1) овозможува 3Д забрзување, но без 2Д поддршка. За да се приклучи картичката потребна е дополнителна 2Д картичка. Компанијата банкротираше на 15 декември 2000 година, а најголемиот дел од интелектуалната сопственост го стекна НВИДИА.

Историја[уреди | уреди извор]

Основана во 1994 година, 3ДФИКС Интерактив започнува со развивање на 3Д акцелератори за Аркадни игри; меѓу другите компанијата развиваше и хардвер за игрите на Атари.

Потоа компанијата се ориентираше кон пазарот на персонални компјутери од 1995 го комерцијализираше Џама играчкиот контролер (англиски: JAMMA Game-Control-Interface GCI), адаптер за PCI кој овозможува комуниција на џоистик од една играчка конзола (RS-232 компатибилен) со персонален компјутер.

Од 6 Ноември 1995 на Комдекс[1] во Лас Вегас името 3Dfx започнува да предизвикува голем интерес со претставувањето на нивниот прв 3Д чипсет за персонални компјутери, Voodoo1.

Voodoo 1 PCI[уреди | уреди извор]

Voodoo 1 PCI 3Д акцелератор

На крајот од 1996, цената на ЕДО рам меморијата значително опадна и затоа 3Dfx беше во можност да влезе во пазарот на компјутерскиот хардвер. Компанијата го пласираше својот нов производ со значително пониски цени во споредба со претходните 3Д графички решенија за персоналните компјутери. Пред да станат 3Д акцелераторите лесно достапни до потрошувачите, игрите како Дум (видео игра од 1993, англиски: Doom) и Квејк (англиски: Quake) ги присилија своите обожаватели да ја користат тогашната нова Интел Пентиум архитектура наместо Интел 386 или 486.

Voodoo1 акцелераторот е PCI картичка која се состои од Дигитален во аналоген конвертор (DAC), Процесор и Единица за мапирање на текстури (TMU), заедно со 4 мегабајти ЕДО ДРАМ меморија. Графичкиот процесор работи на 50Mhz, обезбедува само 3Д забрзување и како таков потребена му е дополнителна графичка картичка за прикажување на 2Д слика. 2Д картичката се поврзува со Voodoo1 преку Женско-машки ВГА кабел и потоа мониторот се приклучува на Voodoo картичката. Максималната подржана резолуција е 800x600 со 16-битни бои, без геометриски пресметки. Меморијата е поделена на 2 мегабајти за текстурите и 2 мегабајти распределени за длабински бафер (англиски: Z-buffer). Подржаните АПИ се Глајд (англиски: Glide API), подгрупа на OpenGL и DirectX.

Наводи[уреди | уреди извор]

  1. (англиски: COMDEX) беше изложба на ИТ компании што се одржуваше секоја година во Лас Вегас помеѓу 1979 и 2003.