Шаховска табла

Статии од категоријата Шах

	a	b	c	d	e	f	g	h
8									8
7									7
6									6
5									5
4									4
3									3
2									2
1									1
	a	b	c	d	e	f	g	h

Шаховска табла

Шаховска табла со Стаунтонови фигури

Шаховска табла е табла која се користи во шахот и се состои од осум реда и осум колони квадрати (полиња) во наизменични бои. Полињата се нарекуваат „црни“ и „бели“, иако фактичките бои варираат зависно од материјалот. Се користат најразлични материјали; поофицијалните партии се играат на дрвени табли, додека неформално може да се игра и на пластични или картонски табли. Постојат и стаклени, мермерни, камени и други табли. Камените табли ги наоѓаме вградени во шаховски маси за надвор.

Таблата е наредена така што најдесното поле кај секој играч е „бело“. Големината на истата обично зависи од големината на шаховските фигури. Претпочитана големина на поле е 1.25 до 1.3 пати основата на кралот.

Во современиот шаховски коментар, колоните се обележани со латинични букви од a до h (од лево кон десно) од гледна точка на белиот играч, додека пак редовите се обележани со бројки од 1 до 8, каде 1 е најблиску до белиот играч, со тоа овозможувајќи ја стандардната нотација наречена алгебарска шаховска нотација.

Надворешни врски

• „Шаховска табла“ од Ерик В. Вајсштајн — MathWorld (англиски)

• Одбирање на шаховска табла Архивирано на 28 септември 2007 г. (англиски)