Црква „Успение на Пресвета Богородица“ - Долно Дупени

Од Википедија — слободната енциклопедија
Прејди на прегледникот Прејди на пребарувањето
Надворешноста.jpg
Внатрешноста.jpg
Внатрешноста на Црквата заедно со олтарот.jpg
Coat of arms of the Macedonian Orthodox Church.png
Macedonian cross.svg
Успение на Пресвета Богородица
македонска православна црква
Епархија Преспанско-пелагониска
Архијерејско намесништво Ресенско
Парохија Подмочанско-љубојнска
Местоположба

Координати 40°52′45.8″N 21°08′27.4″E / 40.879389° СГШ; 21.140944° ИГД / 40.879389; 21.140944Координати: 40°52′45.8″N 21°08′27.4″E / 40.879389° СГШ; 21.140944° ИГД / 40.879389; 21.140944
Место Долно Дупени
Општина Ресен
Држава Македонија
Општи податоци
Покровител Голема Богородица
Изградба почеток на 20 век
Живопис 1908/09
Зограф Нестор и Лазар Алексиеви со Крсте и Коста Николови
Архитектонски опис

Успение на Пресвета Богородица — македонска православна манастирска црква, главна и единствена црква на тој манастир во ресенското село Долно Дупени.[1] Црквата се наоѓа над селото, во просторот кој помеѓу мештаните е познат како Горно Село. До црквата се доаѓа со пешачење по земјениот шумски пат, во времетраење од околу 30 – 40 минути, почнувајќи од денешната местоположба на селото. Црквата е посветена на Успението Богородично, и како храмова слава го чествува 28 август Изградена е на почетокот на XX век и претставува пример за црковното градителство, сликарство и дрвена резба од тој период. Градбата има трилисна или крстовидна форма, со калоти на јужната, северната и источната страна. Најгоре доминира куполата поставена на осумстран тамбур со четири отвори за прозорци. Влезовите кон црквата се распоредени на западната и северната фасада, а од северната страна кон исток постои и директен влез во олтарниот простор. Внатрешноста на градбата делува доста пространо.

Икони и ферски

Иконостасот изведен во резба, со отвори за два реда на икони, подигнат е од нивото на наосот со три скалила. Внимание привлекуваат и амвонот или певницата како и владичиниот престол, сите декорорани со дрвена резба. Резбаниот инвентар, според сочуваните натписи, е дело на браќата Нестор и Лазар Алексиеви од село Осој, Дебарско. Работите ги завршиле ви текот на 1908 и 1909 год. Од присутните мотиви на резбаната декорацијата, доминира флоралната стилизирана орнаментика. Сликаните икони на иконостасот се исто така работени во 1909 година и се дела на браќата Крсте и Коста Николови од Лазарополе. Нивни се и големите икони сместени на ѕидовите, јужно и северно од иконостасот, како и иконите на Исус Христос и евангелистите на певницата. Во црквата се наоѓаат и неколку постари икони, кои зборуваат за постарата историја на овој храм.

Наводи[уреди | уреди извор]

  1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.