Црква „Св. Никола“ - Брждани
  Свети Никола
| |
Поглед на црквата | |
| македонска православна црква | |
| Епархија | Дебарско-кичевска |
| Архијерејско намесништво | Кичевско |
| Парохија | Трета кичевска |
| Местоположба | |
|---|---|
|
| |
| Координати | 41°26′50.17″N 20°54′32.9″E / 41.4472694° СГШ; 20.909139° ИГД |
| Место | Брждани |
| Општина | Кичево |
| Држава | Македонија |
| Општи податоци | |
| Покровител | Свети Никола |
| Изградба | 1872 |
| Архитектонски опис | |
Свети Никола — главна селска црква во селото Брждани.[1]
Местоположба[уреди | уреди извор]
Црквата е сместена североисточно од селото, во планинскиот дел, а околу нејзе се наоѓаат и селските гробишта.[2]
Историја[уреди | уреди извор]
Црквата била изградена кон крајот на XIX век.
Денешната црква е изградена во 1872 година. Оваа година е врежана на една камена плоча вградена во подот на црквата и всушност е еден од малкуте извори што говорат за црквата и нејзината историја.[3]
Архитектура[уреди | уреди извор]
Црквата претставува типичен споменик од времето на преродбата. Изградена е како еднокорабна базилика со валчест свод и една широка калота над наосот. Апсидата е петстрана и обликувана со архиволти. Црквата не била вкопана во земја и во неа се влегува качувајќи се по неколку скали.[3]
Фрескоживопис[уреди | уреди извор]
Фрескоживописот во олтарната зона на црквата бил изведуван од страна на Аврам Дичов во 1874 година.[3]
Иконостас[уреди | уреди извор]
Најстарите икони во црквата потекнуваат од 1849 година и се дело на познатиот мајстор Дичо Зограф. Истите веројатно припаѓале на постарата црква, која во 1872 година е обновена и проширена. Доказ за тоа се наоѓа и во престолните икони на Христос, Богородица и Јован Претеча, кои имаат издолжена форма.[3]
За обновената црква бил изработен и нов, значително поголем иконостас со расчленета структура и нови престолни икони сликани непосредно пред 1872 година од непознат зограф. Старите престолни икони на Дичо Зограф биле отстранети и поставени во олтарниот дел на црквата, а само шест икони со претстави на апостолите нашле место во новиот иконостас.[3]
Во 1874 година за целосно довршување на иконостасот се вклучил Аврам Дичов. Ја насликал престолната икона на Богородица со Христос, каде што оставил свој потпис, но истовремено насликал и десетина други икони за горната зона на иконостасот.[3]
Галерија[уреди | уреди извор]
-
Предниот дел на црквата -
Портата на црквата -
Чешма во црковниот двор -
Камбанаријата во црквата -
Фреска над влезот -
Апсидата на црквата -
Селските гробишта -
Поглед на црквата
Поврзано[уреди | уреди извор]
Наводи[уреди | уреди извор]
- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ Трифуноски, Јован (1968). Кичевска котлина: Селски населби и население. Белград: Српска академија на науките и уметностите. стр. 95.
- ↑ 3,0 3,1 3,2 3,3 3,4 3,5 Цветковски, Сашо (2010). „Живописот на Аврам Дичов во црквата Св. Никола с. Брждани - Кичевско“ (PDF). Патримониум. Посетено на 5 јануари 2019.
Надворешни врски[уреди | уреди извор]
Црква „Св. Никола“ - Брждани на Ризницата ?
