Цедевита

Од Википедија — слободната енциклопедија
Лого на Цедевита

Цедевита е хрватско претпријатие кое ги интегрира развојот, производството, маркетингот и продажбата на инстант пијалацичаеви и кондиторски производи наменети за здрава исхрана. Многу години Цедевита д.о.о. својата палета на производи ја развивала во рамките на фармацевтската компанија Плива, а во јули 2001 година станала дел од Атлантик Групацијата.

Историја[уреди | уреди извор]

Производите кои денес се во асортиманот на Цедевита д.о.о., повеќе од 40 години се произведуваат како спој на традицијата за производство на диететски производи и високите критериуми за квалитет во фармацевтската индустрија. Првиот Цедевита инстант пијалак бил направен во 1969 година, а во 1970-тите години тој бил пуштен на пазарот. Го патентирал магистерот по фармација, Мартин Станковиќ.[1] Првата Цедевита имала вкус на портокал. Тогашната Цедевита била пакувана во стаклени шишенца кои заедно со лажиче за дозирање биле пакувани во картонска кутија. Првиот производот повеќе потсетувал на лек, а се продавал само во аптеки. Но, бидејќи брзо станала популарна, почнала да се продава и во продавниците за широка потрошувачка. Во 1985 година, започнало производство и на Цедевита со вкус на лимон, а во 1990 година и со вкус на грејпфрут. Со тек на годините биле создавани нови вкусови на Цедевита, а почнала и продажба во хорека (хотел/ресторант/кафе) каналот. Од 2010 година, Цедевита се пакува со посебен, нов затворач, со кој се одржува свежината и квалитетот на витамините.

Инстант пијалаци[уреди | уреди извор]

Зборот Цедевита воглавно асоцира на инстант пијалаците кои ги произведува ова претпријатие. Постојат 8 вида на Цедевита напитоци, како и Цедевита од портокал за деца и Цедевита лајт за дијабетичари:

  • Цедевита портокал (најпозната и најчесто рекламирана)
  • Цедевита лимон (втора со најпознат вкус)
  • Цедевита мандарина
  • Цедевита грејпфрут
  • Цедевита лимета
  • Цедевита црвен портокал
  • Цедевита брусница
  • Цедевита со вкус на шумско овошје

Позиција на пазарот[уреди | уреди извор]

Потрошувачката на Цедевита била долго време врзана само за домаќинствата, но со влегување во продажба преку хорека (хотел/ресторант/кафе) каналот, денес во повеќето кафулиња во Хрватска и во регионот може да се ужива во вкусот на пијалаците на Цедевита. За активни луѓе кои се постојано во движење, направена е Цедевита GO! во иновативно пакување, кое поради специјалниот затворач овозможува да се приготви било кога и било каде. Цедевита д.о.о. има водечка позиција (преку 50% од пазарот) во сегментот на инстант витаминските пијалаци на пазарот во Хрватска, Босна и Херцеговина, Словенија и Србија.[2]

Надворешни врски[уреди | уреди извор]

Наводи[уреди | уреди извор]

  1. „Umro Martin Stanković, otac popularnog napitka Cedevita“ (хрватски). Посетено на 2018-05-21.
  2. north2.net. „Cedevita | Početna“. www.cedevita.com. Посетено на 2018-05-21.