Херувимска песна
Херувимска песна (грчки: Ο Χερουβικός ύμνος) — православна литургиска химна која се пее на литургијата и ги претставува подготовките на верниците за Великиот вход.
Во литургијата била вклучена за време на царот Јустин II во 573 година.[1]
За време на пеењето на вториот дел од Херувимската песна, свештеникот со ѓаконите се враќа во олтарот низ царските двери.
Херувимската песна се пее во литургијата на Свети Јован Златоуст и литургијата на Свети Василиј Велики, освен на Велики четврток кога наместо неа се пее тропарот на 6-ти глас „На Твојата Тајна вечера“ и на Велика сабота кога се пее „Да молчи секое тело човечко“.
Оваа песна се пеела во Византиското Царство и на литургијата на Рождеството Христово. Порано во некои православни храмови на Велигден се пеела херувимската песна: „Стана Христос. . . На Преосветената литургија наместо Херувимска песна се пее многу содржајната песна: „Сега силите небесни“ од која се сознава дека невидливите сили со нас невидливо служат. За време на пеењето на Херувимската песна, ѓаконот го кади олтарот, иконостасот и верниците, од солејата.
Текст[уреди | уреди извор]
Ние кои херувимите таинствено ги изобразуваме,
и на животворната Троица ја пееме тросветата песна, сега секоја животна грижа да ја оставиме на страна. За да Царот на сите го прифатиме, Кого ангелските чинови невидливо го носат: алилуја, алилуја, алилуја.
Црковнословенски текст[уреди | уреди извор]
Иже Херувими тајно образујушче и животворјашчеј Тројицје,
трисвјатују пјесан припјевајушче. Всјакоје ниње житејскоје отложим попеченије. Јако да Царја всјех подимем, ангелскими невидимо, дориносима чинми: алилуја, алилуја, алилуја.
Наводи[уреди | уреди извор]
- ↑ Brightman F. E. Liturgies Eastern and Western. Oxford University Press. (1965). стр. 532