Прејди на содржината

Убиство во Ориент-експрес (филм од 2017)

Од Википедија — слободната енциклопедија
Убиство во Ориент-експрес
РежисерКенет Брана
Продуцент
СценариоМајкл Грин
Главни улоги
МузикаПатрик Дојл
КинематографијаХарис Замбарлукос
МонтажаМик Одсли
Студио
Дистрибутер20th Century Fox
Премиера2 ноември 2017 (2017-11-02) (Ројал Алберт Хол, Лондон)
10 ноември 2017 (2017-11-10) (САД)
Времетраење114 минути
Земја САД [3]
Јазиканглиски
Буџет55 милиони долари[4]
Бруто-заработка297,9 милиони долари[4]
СледенСмрт на Нил
IMDbID 3402236

„Убиство во Ориент-експрес“ (англиски: Murder on the Orient Express) — американски филм од 2017 година во режија на Кенет Брана и по сценарио на Мајкл Грин, заснован на истоимениот роман од 1934 година на Агата Кристи. Во главните улоги се појавуваат: Кенет Брана, Пенелопе Круз, Вилем Дефо, Џуди Денч, Џони Деп, Џош Гад, Дерек Џакоби, Лесли Одом, Мишел Фајфер и Дејзи Ридли. Филмот го следи славниот детектив Херкул Поаро, кој се обидува да реши убиство на познатиот европски воз Ориент-експрес во 1930 година.

„Убиство во Ориент-експрес“ премиерно бил прикажан на 2 ноември 2017 година во Ројал Алберт Хол во Лондон, а во САД бил издаден на 10 ноември 2017 година, од страна на 20th Century Fox.[5] Филмот бил комерцијален успех, заработувајќи преку 297 милиони долари на светско ниво, во споредба со буџетот од 55 милиони долари. Од филмските критичари, филмот се здобил со мешани критики, и тоа пофалби за изведбата на глумците и за продукцијата, и негативни критики насочени кон неинвентивноста да се додаде нешто ново во споредба со претходните адаптации.[6]

Синопсис

[уреди | уреди извор]

Херкул Поаро, најдобриот детектив на светот, патува во познатиот воз Ориент-експрес. Патем, возот е принуден да застане поради мала лавина и тогаш во него се случува убиство. Во возот се наоѓаат повеќе луѓе кои не само што имале можност да го извршат убиството, туку имале и мотив за тоа.[7]

Улоги

[уреди | уреди извор]

Прием

[уреди | уреди извор]

Заработка

[уреди | уреди извор]

До 16 декември 2017 година, Убиство во Ориент-експрес остварил заработка од 97.25 милиони долари во САД и Канада, и 200.7 милинои долари во другите територии, за вкупна заработка од 297,9 милиони долари, наспроти буџетот од 55 милиони долари.[4]

Во САД и Канада, Убиство во Ориент-експрес бил издаден заедно со филмот Тато се врати 2, и било проектирано да оствари заработка од 20 милиони долари од 3,341 кина во првиот викенд на прикажување.[8] Филмот заработил 10,9 милиони долари на првиот ден на прикажување. Филмот ги надминал очекувањата и во првиот викенд на прикажување заработил 28,7 милиони долари, завршувајќи на третото место по големина на заработка, зад Тор: Рагнарок и Тато се врати 2. Во првиот викенд на прикажување, 51% од гледачите биле луѓе со возраст над 35 години.[9] Во вториот викенд на прикажување, филмот заработил 13,8 милиони долари (пад од 51.9%), завршувајќи на петтото место, зад Лига на правдата, Чудо, Тор: Рагнарок и Тато се врати 2.[10]

Наводи

[уреди | уреди извор]
  1. ↑ Debruge, Peter (2017-11-07). „Film Review: 'Murder on the Orient Express'“. Variety. Посетено на 2017-11-09.
  2. ↑ McCarthy, Todd (2017-11-10). „'Murder on the Orient Express': Film Review“. The Hollywood Reporter. Посетено на 2017-11-09.
  3. ↑ „Murder on the Orient Express“. AllMovie. Посетено на November 7, 2017.
  4. 1 2 3 „Murder on the Orient Express (2017)“. Box Office Mojo. Посетено на December 16, 2017.
  5. ↑ „The Murder On The Orient Express world premiere red carpet“. Yahoo!. November 1, 2017.
  6. ↑ Џеф Гилс (November 9, 2017). „Murder on the Orient Express Mostly Stays on Track“. Rotten Tomatoes. Посетено на November 9, 2017.
  7. ↑ Убиство у Оријент експресу (пристапено на 22.5.2024)
  8. ↑ Ентони Д'Алесандро (October 25, 2017). „'Thor' Rocks On With $10.8M Tuesday; Will Continue To Strike Lightning In Second Weekend With $60M“.
  9. ↑ Ентони Д'Алесандро (November 11, 2017). „'Daddy's Home 2' Higher Than 'The Orient Express' In A 'Ragnarok'-Ruled Weekend – Early Sunday AM Update“. Посетено на November 11, 2017.
  10. ↑ Ентони Д'Алесандро (November 19, 2017). „'Justice League' Encounters Kryptonite At The B.O. With $96M Opening: Why The DC Movie Weakened – Sunday AM Update“. Deadline.com. Посетено на November 19, 2017.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Убиство_во_Ориент-експрес_(филм_од_2017)&oldid=5393009“