Теодосиева династија

Од Википедија — слободната енциклопедија
Прејди на прегледникот Прејди на пребарувањето

Теодосиевата династија е римска фамилија која управувала со двата делови на Римската империја.

Основач на династијата е Флавиј Теодосиј, голем војвода кој ја спасил Британија од т.н. Голем заговор. Неговиот син, Флавиј Теодосиј бил прогласен за император на Источната Римска империја во 379 како Теодосиј I и за кратко ја обединил Римската империја (394-395) по победата над узурпаторот Евгениј. Теодосиј I бил наследен од своите синови Хонориј во Западната и Аркадиј во Источната Римска империја. Династијата на Теодосиј е поврзана со Валентинијановата династија откако Теодосиј I се оженил за Гала, ќерка на Валентинијан I. Последниот император на Запад, кој припаѓал на династијата бил синот на Гала Плацидија, Валентинијан III, додека пак последниот император на Исток бил Маркијан, зет на Теодосиј II. Подоцна внуката на Валентинијан III се омажила за Олибриј и Антемиј станал зет на Маркијан. Потомците на династијата продолжиле да бидат дел од источниот дел на империјата во Константинопол до крајот на 6 век.