Венера (планета)

За римската божица на љубовта и убавината видете: Венера (божица).

Венера е втората по близина планета до Сонцето и орбитира секои 224,7 Земјини денови. По Месечината е вториот најсјаен објект кој може да се види на ноќното небо. Максималната видливост планетата ја има пред изгрејсонце и малку по зајдисонцето. Затоа често се именува како утринска ѕвезда или ѕвезда вечерница.

Името Венера доаѓа од името на Римската божица на љубовта - Венера. Многу од нејзините географски карактеристики го носат името на мистични и славни жени од историјата.

Структура

Кратер на површината на Венера.

Венера е една од четирите терестријални планети, што значи дека исто како и Земјата таа е камено тело. Во големина и маса е приближна како и Земјата и често се идентификува како нејзина сестра близначка. Дијаметарот на Венера е само 650 km помал од оној на Земјата, а нејзината маса е 80% од земјината. Сепак има голема разлика во атмосферите на двете планети. Атмосферата на Венера е исполнета со јаглерод диоксид, за разлика од земјата.

Венера е многу топла бидејќи сета топлина што ќе ја прими од сонцето не оди нагоре туку се собира во атмосферата. За тоа зборува прикажаната слика. Венера од Сонцето е оддалечена околу 108,2 милиони km. Има пречник од 12104 km. Просечната температура изнесува 480°C. Едно деноноќие трае 117 Земјини денови, една год. трае 225 Земјини денови. Венера нема природни сателити.

Орбита и ротација

Венера околу Сонцето се завртува за 224,7 дена а околу својата оска се завртува за 117 дена.

Надворешни врски

• Скопско астрономско друштво, Астроучилница - Венера