Приеполе е град во општина Приеполе, во областа Златибор, во Србија. Сместен е во устието на реката Милешевка во Лим, во подножјето на планината Јадовник. Во негова непосредна близина се наоѓа манастирот Милешева и стариот град Милешевац. За време на Втората светска војна, тука се водела битката кај Приеполе. Според пописот од 2011 г. во градот живееле 13.330 жители (според пописот во 2002 година, во градот имало 15.031 жители).