Пантотенска киселина

Пантотенска киселина

Назив според IUPAC 3-[(2,4-dihydroxy-3,3-dimethylbutanoyl)amino]propanoic acid
Назнаки
CAS бр.	137-08-6
Jmol-3D слики	Слика
PubChem	988
SMILES CC(C)(CO)[C@@H](O)C(=O)NCCC(=O)O
Својства
Хемиска формула	C9H17NO5
Моларна маса	219.23 g mol−1
Освен каде што е поинаку назначено, податоците се однесуваат за материјалите во нивната стандардна состојба (при 25 ° C, 100 kPa)
Наводи

Пантотенската киселина, понекогаш означувана и како витамин B₅, е водорастворлив витамин кој се вбројува во групата на есенцијални хранливи состојки. Тој влегува во составот на сложениот коензим А (CoA) и е клучен во метаболизмот и синтезата на јаглехидрати, протеини и липиди. По хемиската структура, тој е амид образуван меѓу D-пантоат и бета-аланин. Името на оваа супстанца е изведено од грчкиот збор пантотен (παντόθεν) што значи од секаде, бидејќи мали количества на пантотенска киселина можат да се најдат во речиси секој тип на храна, и тоа најмногу во житарките, легумите, јајцата и месото. Најчесто се наоѓа во форма на својот алкохолен аналог - провитаминот пантенол и како калциум пантотенат. Пантотенската киселина е составен дел и на ацил носечките протеини.

Дневен внес

Возрасна група	Возраст	Потреби (во mg на ден)
Новороденчиња	0–6 месеци	1.7
Новороденчиња	7–12 месеци	1.8
Деца	1–3 години	2
Деца	4–8 години	3
Деца	9-13.5 години	4
Адолесценти	14–18 години	5
Возрасни мажи	19 години и постари	5
Возрасни жени		5
Бремени жени		6
Жени-доилки		7