Оливера Јашар-Настева

Од Википедија — слободната енциклопедија
(Пренасочено од Оливера Јашар - Настева)
Прејди на прегледникот Прејди на пребарувањето
Родена 25 ноември 1922
Белград, Кралство Југославија
Починала 1 јануари 2000(2000-01-01) (воз. 77 г.)
Скопје, Македонија
Националност Македонка
Занимање лингвист


Оливера Јашар-Настева (25 ноември 1922 во Белград1 јануари 2000 во Скопје) — македонски лингвист, балканист, македонист, лексиколог и редовен член на МАНУ.[1]

Биографија[уреди | уреди извор]

Основно и средно образование завршила во Скопје, а матурирала во Белград. Дипломирала на Филозофскиот факултет при Скопскиот универзитет во 1949 година, а докторирала на тема „Турските лексички елементи во македонскиот јазик“ во 1962 година.

Била иницијатор за создавање на катедрите за албански јазик и литература и за турски јазик и литература, а била и шеф на Катедрата за турски јазик и литература (1976). По создавањето на овие катедри била професор по предметите албански jазик и турски јазик. Била избрана за дописен (1979) и за редовен член на МАНУ (1983) и за член на Турската академија на науките (1979).

Како сестран лингвист со широка научна наобразба и активно владеење на францускиот, италијанскиот, турскиот, албанскиот и романскиот Јазик, нејзин потесен научен интерес е балканистиката низ призмата на теоријата на контактната лингвистика.

Била раководител на Националниот комитет за проучување на Југоисточна Европа, раководител на проектот во МАНУ „Речник на турцизмите во македонскиот јазик“.

Учествувала на славистички (Прага, Варшава, Загреб), балканолошки (Палермо) и ориенталистички (Париз) конгреси.

Нејзината библиографија опфаќа околу 150 трудови. Голем придонес има во областа на лексиколошките и морфолошките студии на балканските јазици.

Наводи[уреди | уреди извор]

  1. Јашар“. Македонска енциклопедија , книга I (А-Љ): стр. 638. (2009). Скопје: МАНУ.