ОУ „Гоце Делчев“ - Неготино
ООУ „Гоце Делчев“ - Неготино | |
|---|---|
| |
| Место | |
| Општина: | Неготино |
| Нас. место: | Неготино |
| Адреса: | бул. Маршал Тито 117, 1440 Неготино |
| Местоположба | |
|
| |
| Основни информации | |
| Директор: | Петар Мантев |
| Настава на: | македонски |
| Контактни информации | |
| Мреж. место | gdnegotino.weebly.com |
Основно училиште „Гоце Делчев“ — едно од двете основни училишта во градот Неготино, во истоимената општина, Македонија. Училиштето се наоѓа на булеварот „Маршал Тито“.
Училиштето својот патронен празник секоја година го прославува на 4 мај.
Историја[уреди | уреди извор]
Општинското основно училиште „Гоце Делчев“ од Неготино започнало со работа во 1972 година во месец ноември.
Подрачни училишта[уреди | уреди извор]
Во рамките на општинското основно училиште „Гоце Делчев“ се наоѓаат и четири подрачни основни училишта од прво до петто одделение (освен тоа во Долни Дисан, кое е со девет одделенија), а чии ученици подоцна наставата ја продолжуваат во средишниот објект на училиштето во градот Неготино. Овие училишта се:
- ПУ „Гоце Делчев“ - Долни Дисан, подрачно училиште на македонски наставен јазик;
- ПУ „Гоце Делчев“ - Курија, подрачно училиште на македонски наставен јазик;
- ПУ „Гоце Делчев“ - Тимјаник, подрачно училиште на македонски наставен јазик; и
- ПУ „Гоце Делчев“ - Тремник, подрачно училиште на македонски наставен јазик.
Поради зголемување на бројот на учениците, во учебната 1987/88 година подрачното основно училиштето во селото Војшанци, кое дотогаш било подрачно училиште на ова училиште му било отстапено на ОУ „Страшо Пинџур“ - Неготино.
Организација[уреди | уреди извор]
Во училиштето учат околу 1000 ученици од градот и приградските места, распоредени во 55 паралелки. На почетокот во училиштето биле вработени 52 наставници, а денес во него работат вкупно 64 наставници од кои 35 во предметна, а 29 во одделенска настава.
Опременост[уреди | уреди извор]
Училиштето располага со вкупно 3.580 м2 работна површина, која ја сочинуваат 17 училници, 6 кабинети, 2 занимални, 1 фискултурна сала, 5 канцеларии и 3 простории за друга намена.
Натпревари[уреди | уреди извор]
Училиштето постојано учествува на разни училишни, регионални, државни или меѓународни натпревари и постигнува солидни резултати. Традиционално неколку години по ред (2005 - 2007 г.), во училиштето во месец март по повод месецот на франкофонијата се спроведува републичкиот натпревар по француски јазик.[1]
Освоени награди[уреди | уреди извор]
Училиштето е добитник на наградата Осми Ноември.
Наводи[уреди | уреди извор]
- ↑ „Републички натпревар по француски јазик "POETES EN HERBE"“. Архивирано од изворникот на 2010-06-11. Посетено на 2021-08-14.