ОУ „Братство-Миѓени“ - Тетово
Братство-Миѓени
| |
|---|---|
.jpg) Подрачната зграда во населбата Спортски Центар.
| |
| Место | |
| Општина: | Општина Тетово |
| Наречено по: | Братство |
| Нас. место: | Тетово |
| Адреса: | ул. „Љубе Божиновски Пиш“, бр. 41 |
| Местоположба | |
|
| |
| Основни информации | |
| Основано: | 1958 |
| Настава на: | македонски, турски и албански |
| Контактни информации | |
| Мреж. место | bm.edu.mk/site/index.php/mk/ |
| Е-пошта | um_bm_te@yahoo.com |
| Телефон | 044/336-920 |
| Факс | 044/336-920 |
Основно училиште „Братство-Миѓени“ (во минатото: Основно училиште „Братство-Единство“; официјално: Основно општинско училиште „Братство-Миѓени“ - Тетово; скратено: ООУ „Братство-Миѓени“) — централно основно училиште во градот Тетово, Општина Тетово.[1]
Училиштето е именувано по југословенското мото братство и единство.
Историја
[уреди | уреди извор]Училиштето е едно од најстарите, основано во 1958 година под името „Братство-Единство”. Сместено било и сѐ уште е на улица „Љубо Божиноски – Пиш“ бр. 41. Во него во него наставата најпрво се изведувала на македонски и албански јазик од прво до осмо одделение. Подоцна започнала настава на турски јазик од прво до четврто одделение.[2]
Училиштето од тогаш до денес се развивало како централно училиште со подрачно училиште во населеното место Сараќино. Во 1993 година училиштето го сменило името во „Братство-Миѓени”.[2]
Особености и спецификации
[уреди | уреди извор].jpg)
Денес во него учениците посетуваат настава на: македонски јазик од прво до деветто одделение во Тетово и Сараќино, на албански јазик од прво до деветто одделение во Тетово и од прво до четврто одделение во Сараќино. Воспитно-образовната работа се одвива во 4 градби: зградата на централното училиште, градбата во населбата Спортски Центар, градбата во населбата Дреновец и една подрачна градба во Сараќино.[2]
Зградата на централното училиште располага со 29 училници од кои 11 се мали и приспособени во кои потешко е да се изведува современа настава поради ограничен простор. Во него се изведува настава на албански јазик од прво до деветто одделение и на турски јазик исто така од прво до петто одделение.[2]
Во новата училишна градба сместена во населбата Спортски Центар има 8 училници на првиот кат и 2 подрумски простории приспособени за училници и една просторија за дневен престој. Во нив учат ученици од прво до деветто одделение со настава на македонски јазик.[2]
Во подрачното училиште има 6 училници во кои настава се изведува на македонски јазик од прво до деветто одделение и албански јазик од прво до петто одделение.[2]
Во најновата градба во Дреновец учат ученици од прво до деветто одделение со настава на албански јазик во 18 училници. Во градбата има наставничка сала, канцеларии за помошникот директор, за педагог и психолог, библиотека, кабинет по информатика, просторија за физичко, една котларница, како и просторија за хигиеничарите. Градбата рaсполага со голем број на неискористен простор (училници и др. простории).[2]
Наводи
[уреди | уреди извор]- ↑ „Листа на активни регистри“. Министерство за образование и наука. Посетено на 2024-12-19.
- ↑ 2,0 2,1 2,2 2,3 2,4 2,5 2,6 „О.У. Братство-Миѓени“. Општина Тетово. Архивирано од изворникот 2022-07-01. Посетено на 19 септември 2022.