Нешо Марковски

Од Википедија — слободната енциклопедија
Прејди на прегледникот Прејди на пребарувањето

Нешо Марковски (Тетово, 20 јули 1927 - Скопје, 17 мај 1985) бил македонски новинар, сценарист и општественик.[1]

Биографија[уреди | уреди извор]

Марковски е роден во Тетово на 20 јули 1927 година. Учествувал во НОБ. Во новинарството е од 1948 година, кога го уредувал весникот Шар во Тетово. Кон средината на педесеттите години на 20 век бил соработник па уредник на Внатрешно-политичката рубрика на „Нова Македонија“. Во периодот 1957/58 год. бил еден од основачите и уредниците на седмичникот „Вечер“ во издание на НИП „Нова Македонија“. Бил и прв главен уредник на македонското издание на седмичникот „Комунист“ во 1964 година. Бил претседател на Здружението на новинарите на Македонија. Починал во Скопје на 17 мај 1985 година.

Филмографија[уреди | уреди извор]

Марковски напишал и три сценарија на телевизиски проекти[2]:

  • 1957: Полог (економски преглед) (Сценарио)
  • 1957: Полог (туристички преглед) (Сценарио)
  • 1958: Во пазувите на Шара (Сценарио)

Наводи[уреди | уреди извор]

  1. Македонска енциклопедија. II (I издание). Скопје: МАНУ. ISBN 978-608-203-024-2. 
  2. „Марковски Нешо - Македонски информативен филмски центар“. http://www.maccinema.com/Person.aspx?p=484. посет. 15 мај 2014 г.