Модар дрозд
| Модар дрозд | |
|---|---|
| |
| Мажјак M. solitarius philippensis | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Муварчиња |
| Род: | Monticola |
| Вид: | Модар дрозд |
| Научен назив | |
| Monticola solitarius (Linnaeus, 1758) | |
Модриот дрозд (науч. Monticola solitarius) е птица од семејството на муварчињата (Muscicapidae), која порано беше сместена во семејството на дроздовите (Turdidae).
Распространетост[уреди | уреди извор]
Оваа птица се размножува низ јужна Европа, вклучувајќи ја и Македонија, северозападна Африка, како и од централна Азија до северна Кина и Малезија. Европските, северноафриканските и јужноазиските птици обично се постојани жители, ако се изземат преселбите на кратки растојанија (од повисоките во пониските предели и сл.), а останатите азиски популации се преселници, кои зимуваат под Сахара, во Индија и југоисточна Азија. Овие птици се ретки посетители на северна и западна Европа.
Опис[уреди | уреди извор]
Големината на овие птици е колку сколовранците. Имаат должина од 21 до 23 см и имаат долг, тенок клун. Мажјакот, летно време е непогрешлив со своите модри пердуви на горниот дел, вратот и главата, темните крилја и ’рѓапортокалов стомак. Женките и младенчињата не се толку живописни, тие се темнокафеави одозгора и светлокафеави одоздола. И кај двата пола, на горниот дел од опашката го нема портокаловото како кај карпестиот дрозд.
Поведение[уреди | уреди извор]
Пеењето на модриот дрозд е слично како на карпестиот, чисто, мелодично, но е погласно. Животната средина на оваа птица се отворените планински предели, обично малку повисоко од карпестиот дрозд. Се храни со широк спектар инсекти и мали влекачи, а по потреба и со бобинки и семиња. Гнездото го прави во шуплините на карпите и гребените. Обично несат 3-5 јајца.
Во културата[уреди | уреди извор]
Модриот дрозд е национална птица на Малта и ја имаше на малтешката 1 лира, која беше дел од претходната валута на земјата.
Галерија[уреди | уреди извор]
-
Мажјак M. s. philippensis -
Женка во зима, Јапонија -
Мажјак во сезона на парење, од расата pandoo од североисточна Индија -
Мажјак, доцна зима, Шпанија -
Женка, доцна зима, Индија -
Monticola solitarius solitarius
-_pandoo_race-_Breeding_Male_at_Jayanti,_Duars,_West_Bengal_W_IMG_5310.jpg)
Наводи[уреди | уреди извор]
- ↑ BirdLife International (2012). „Monticola solitarius“. IUCN Red List. Version 2012.1. International Union for Conservation of Nature. Посетено на 16 July 2012.
Надворешни врски[уреди | уреди извор]
 |
„Модар дрозд“ на Ризницата ? |
- Blue Rock Thrush videos, photos & sounds Архивирано на 27 октомври 2014 г. on the Internet Bird Collection
- Blue Rock Thrush from Turkey
- Ageing and sexing (PDF; 1.7 MB) by Javier Blasco-Zumeta & Gerd-Michael Heinze Архивирано на 5 јули 2010 г.