Мигел Лопес де Легаспи

Мигел Лопес де Легаспи
Роден(а)	околу 1502 Зумарага, Шпанија
Починал(а)	20 август 1572 Манила
Занимање	Морепловец
Познат(а) по	Ја основал првата шпанска населба во источна Индија

Мигел Лопес де Легапи (шп. Miguel López de Legázpi, Зумарага, околу 1502 - Манила, 20 август 1572), исто така познат како Ел Аделантадо (шп. El Adelantado) и Ел Вјејо / Постариоѕ (шп. El Viejo), бил баскиско-шпански морепловец и гувернер кој ја основал првата шпанска населба во источна Индија со експедицијата преку Тихиот Океан од вицекралството на Нова Шпанија до денешен Мексико, која минала и низ Себу (Филипинските Острови) во 1565 година. Тој бил првиот генерален гувернер на шпанската Источна Индија, во кој биле вклучени Филипините и другите тихоокеански архипелази, односно Гвам и Маријанските острови. Откако успеал да се здобие со почит кон многу други автохтони народи и кралства, Де Легапси ја прогласи Манила како главен град на шпанската Источна Индија во 1571 година. Главниот град на провинцијата Албај на Филипините, Легаси Сити, го носи неговото име.

Мексико

Ернан Кортес (1485-1547), авантурист и конквистадор кој ја освоил државата на Ацтеките, во 1528 година започнал да формира населби во Северна Америка. Во тоа време, Лопес де Легаспи патувал во денешното Мексико (тогаш Нова Шпанија) за да започне нов живот. Де Легаспи го сторил тоа поради смртта на родителите и поради лошите односи со својот најстар брат кој го наследил семејното богатство. Работел со Хуан Гарсесо и Хуановата сестра Изабел Гарсес во Тласкал. Де Лепаспи се оженил со Гарсес и имал девет деца; сепак, Изабел умрела во средината на 1550-тите.

Во периодот од 1528 до 1559 година, Де Легаспи работел како шеф на одделот за финансии и како градоначалник на Мексико Сити.

Наследство

Експедицијата на Легаспи и Андрес де Урданета на Филипините делотворно создадала трговски пат, односно патот Манила—Акапулко, по кој среброто копано во Мексико и Потоси, е трампано за кинеска свила и порцелан, индонезиски зачини, индиски скапоцени камења и други вредни стоки за Европа во тоа време. Трговскиот пат што се појавил бил важна трговска врска помеѓу Латинска Америка и Азија-Тихоокеанија, а производите и робата дури стигнувале и до Европа (преку Хаванските галеони), кои обезбедиле голема финансиска поддршка за Шпанската Империја.

Во следните 333 години, од 1565 година, кога Шпанија за првпат воспоставила колонијално владеење во земјата до Парискиот договор од 10 декември 1898 година, Филипините биле шпанска колонија (вклучувајќи го и периодот 1762-1764, кога британската власт ја контролирала Манила и градот Кавита но не и целата земја).

Во медиумите

Марк Гил го глумел Де Легаспи во Филипинската историска драма и епска фантастична ТВ серија во 2013 година, Индио.