Марама

Марама – парче ткаенина, обично свилена или од друг лесен материјал, што се користи за покривање на главата, на вратот, често како моден додаток.^[1] Се користи за разни цели: за заштита од ладно, како моден детаљ, да се сокрие ќелавост, од скромност, или други облици на општествените конвенции.

Видови[уреди | уреди извор]

Сите марами пред сè можат да се поделат спрема материјалот од кој се изработени. Најчесто се користи: волна, лен, памук, свила и др. Зависно од материјалот од кој е изработена марамата се носи во различен годишен период.

Намена[уреди | уреди извор]

Марамите имаат исклучително религиско значење. Во христијанството пред сè е присутно во православните цркви и во помали традиционални католички заедници. Незаобиколен дел е и во муслиманската вера, па скоро сите жени во земјите на Блискиот Исток ги носат како секојдневен предмет за облекување ^[2]. Еден од стандардните предмети за облекување за жени и на нашите простори. Тоа се посебно однесува на жените од старите времиња како и за селските краеви^[3] .

Изразена е примената на марама и како моден детаљ пред сè во зимските месеци. Сепак иако е супериорна намера за покривањето на главата, марамите се користат и како детаљ преку друга облека ^[4], но и во летните месеци^[5].

Црната марама, позната и како шамија (со големина 105 х 105 см), жените во Македонија и Србија ја носеле, а и ден денес носат во некои краеви во знак на жалост за изгубени блиски личности, најмалку 40 дена од денот на смртта на покојникот, а старите жени и до крајот на животот.^[6]