Македонска воено-инспекциска област

Од Википедија — слободната енциклопедија
Прејди на прегледникот Прејди на пребарувањето
Документ од тетовскиот округ со наредба до околиските начанлици. Документот е од 22 јануари 1916 година, кога Тетовскиот округ се наоѓа под Царство Бугарија.

Македонската воено-инспекциска област била административно-управна единица во рамките на Царството Бугарија во текот на Првата светска војна од окупираните делови на Србија. Во МВИО влегувале Вардарска Македонија и делови од Косово.[1]

Документ на градската општинска управа од град Галичник, од 9 септември 1916 година.

Формирање[уреди | уреди извор]

Македонската воена инспекциска област била формирана на 8 декември 1915 со седиште во Скопје и се наоѓа во оперативната зона до 29 септември 1918 година. Административна област ги вклучувала следниве области: Скопско, Кумановско, Тетовско, Штипско, Тиквешко, Битолско, Охридско, Призренско и Приштинско. Гувернер на областа од создавањето па се до 1918 година бил генералот Рачо Петров, а бил наследен од Стефан Тошев.

Во Македонската воена инспекциска област во 1916 година била формирана една планинаска дивизија. Од јуни 1918 г. е поделена на окупаторски области, а од 11 август на Скопска и Штипска дивизиска областа со по 5 воени окрузи. Од 7 октомври 1918 година нејзиниот Штаб се наоѓал во Софија. Од 1918 година раководител на комуникациите во Македонската воено-инспекциска област бил генералот Симеон Јанков. Таа била распуштена на 16 декември 1918 година.

Извори[уреди | уреди извор]

  1. Недев, С., Командването на българската войска през войните за национално обединение, София, 1993, Военноиздателски комплекс „Св. Георги Победоносец“

Надворешни врски[уреди | уреди извор]