Кафеава детелина
| Кафеава детелина | |
|---|---|
 | |
| На Австриските Алпи | |
.jpg) | |
| Цветови одблиску | |
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| клад: | Розиди |
| Ред: | Бобовидни |
| Семејство: | Бобови |
| Род: | Детелина |
| Вид: | Кафеава детелина |
| Научен назив | |
| Trifolium badium Schreb. | |
| Синоними[1] | |
|
Список
| |
Кафеава детелина (науч. Trifolium badium) — повеќегодишен вид на детелина од семејството на бобови. Се среќава во поголемиот дел од континентална Европа, Кавказ, Турција, Ирак и Иран.[2] Тоа е локално важна фуражна култура во субалпските пасишта.[3]
Опис
[уреди | уреди извор]Растението е повеќегодишно тревесто растение, високо 10–25 см. Стеблото е исправено или приподигнато, најчесто неразгрането, во долниот дел покриено со ретки, а во горниот дел со погусти прилегнати влакна насочени нагоре. Базалните листови имаат дршки до двапати подолги од листната плочка, кај горните листови дршките се покуси, а најгорните листови се речиси приседнати и спротивно поставени. Долните листови се обратнојајцевидни, приближно една и пол до двапати подолги отколку широки, со тап или плитко всечен врв. Горните листови се долгнавесто-обратнојајцевидни до елиптични или копјести, со клиновидна основа, заоблен или плитко всечен врв и заострени запци по работ. Листовите се голи или со ретки прилегнати влакна по работ и по средната жила на долната страна. Прилисниците се голи, копјести и завршуваат со долг заострен врв.
Соцветијата се топчести или издолжени, широкојајцевидни, со пречник од 12–20 мм и составени од 20–50 цветови. Се развиваат поединечно, поретко по две, на врвот на стеблото или во пазувите на најгорните листови. Дршката на соцветието е исправена и долга 5–6 см, а цветовите имаат многу куси дршки.
Чашката е долга околу 4 мм, гола, белузлава и има пет жили. Нејзиниот трубест дел е долг околу 1 мм. Запците се зелени, линејно-шиловидни и по работ покриени со ретки долги влакна. Венчето е долго 5–8 мм, златножолто и по прецветувањето станува кафеаво. Барјачето е два до три пати подолго од лаѓичката и по површината има јасно изразени надолжни бразди. Плодот е мешунка која е два до три пати подолга од столпчето.[4]
Подвидови
[уреди | уреди извор]Прифатени се следниве подвидови:
Распространетост во Македонија
[уреди | уреди извор]Кафеавата детелина расте на високопланински пасишта и камењари од 1500 до 2700 метри надморска височина, се среќава на планините Шар Планина, Кораб, Јабланица и Горна Радика.[4]
Галерија
[уреди | уреди извор]
.jpg)
Наводи
[уреди | уреди извор]- ↑ „Trifolium badium Schreb“. Plants of the World Online. Кралски ботанички градини во Кју. Посетено на 27 април 2022. (англиски)
- ↑ „Trifolium badium brown trefoil“. The Royal Horticultural Society. 2022. Посетено на 27 April 2022.
- ↑ Jayanegara, Anuraga; Marquardt, Svenja; Kreuzer, Michael; Leiber, Florian (2011). „Nutrient and energy content, in vitro ruminal fermentation characteristics and methanogenic potential of alpine forage plant species during early summer“. Journal of the Science of Food and Agriculture. 91 (10): 1863–1870. doi:10.1002/jsfa.4398. PMID 21480269.
- 1 2 Мицевски, Кирил (2001). Флора на Република Македонија Том I, св. 5. Скопје: МАНУ. стр. 1310.
Надворешни врски
[уреди | уреди извор]
„Trifolium badium“ на Ризницата ? 
„Trifolium badium“ на Викивидовите ?
|