Елена Велевска

Од Википедија — слободната енциклопедија
Прејди на прегледникот Прејди на пребарувањето
Елена Велевска
Роден(а)26 октомври 1980
Прилеп, СР Македонија, СФРЈ
ПотеклоРепублика Македонија
Жанровифолк, поп, македонска музика
Занимањапејачка
Инструментивокал
Период на активност2003–сѐ уште
Мреж. местоelenavelevska.com

Елена Велевска (26 октомври 1980, Прилеп) — македонска фолк и поп пејачка.

Животопис[уреди | уреди извор]

Се родила како втора ќерка во семејството Велевски. Уште на осум години запеала на училишните смотри на кои настапувала сè до завршувањето на основното образование кога речиси истовремено била избрана за претставник на Прилеп на училишниот натпревар што се одржал во Пробиштип. Својата прва песна "Сонувам" ја снимила на петнаесетгодишна возраст со групата "Уникат" од Прилеп. Тоа ја охрабрило да го сними својот прв солистички албум "Што ќе ми се пари", а го снимила во прилепското студио "Точак" на кој продуцент му бил Дејан Момировски. Дејан Момировски го напишал и текстот на нејзиниот следен голем хит "Пу, пу машала" по враќањето од Австралија. Оваа песна го најавила и нејзиниот втор албум "Пу, пу машала" кој се состоел од осум песни. Набрзо започнала со настапи на фестивали, а првиот фестивал на којшто настапила бил "Гоце фест 2002", каде со групата "Болеро" од Струмица ја испеала песната "Еј, моја Македонијо". Таа година настапила и на "Цветници 2002" повторно со "Болеро" и ја отпеала песната "Сите солзи ќе ги пролеам". Следувало нејзиното самостојно излегување на "Валандово 2002" со песната "Свири чичек" на која комплетен автор бил Илчо Јованов и каде таа освоила награда за сценски настап. На тој сценски настап била придружувана од маестро Ферус Мустафов и дел од оркестарот "Агушеви". Со фестивалите се отвориле вратите за почести турнеи во странство, претежно во Швајцарија и Италија. Следната 2003, се претставила и на "Тетовски фолк фестивал" со песната "Живеам за тебе" која била многу добро прифатена и и донела учество на "Фолк хит на годината". Во 2003, настапила на првиот "Низа фестивал" во нејзиниот роден град Прилеп, со "Мелем песна" на авторката Радмила Митровиќ. Потоа заминала на турнеја низ Австралија заедно со Дејан Момировски. На таа турнеја ги започнала подготовките за нејзиниот трет албум. По враќањето во Македонија ја отпеала песната "Говорот на телото" чиј текстописец бил Ѓорѓи Калајџиев. На нејзиниот трет албум се нашле дури шеснаесет песни. За новогодишните празници настапувала во Америка. Следното лето настапила на "Охридски трубадури" со песната "Шах-мат". Песната "Жена огнена" изведена на "Роса 2004" била широко прифатена од публиката. На нејзиниот четврти албум како автор на две песни се јавува токму таа.

Дискографија[уреди | уреди извор]

  • Пу пу машала
  • Говорот на телото
  • Жена огнена

Спотови[уреди | уреди извор]

Видеоспот Година Режисер
Пу,пу машала 2000
Мите 2004
Двете не мами 2006 Гурко
Наркотику мој 2007 Александар Ристовски - Принц
Невина 2008 Чедо Поповски
Висок притисок 2008 Zati Video Production
Воздух 2008 Дејан Милиќевиќ
Те шизнав 2010 EV Production
Sexy bull 2011 EV Production
Бел лебед 2012 IN Production
Лицето на совеста 2012 EV production
Црна свила 2013 IN Production
Лоша копија 2014 IN Production
Остани 2014 Fabrika Produkcija
Црно и бело 2015 IN Production
Погледни ме за крај 2017 Tомато Продукциja
Ще си моя 2017 Људмил Иларионов - Љуси
Уволнен си от живота ми 2017 Људмил Иларионов - Љуси
Недостапна за тебе 2017 IN Production
Во срцето на Балканот 2018 Томе Табанов
Зоро моја румена 2019 Људмил Иларионов - Љуси
Говорот на телото 2020 Tомато Продукциja

Спотови на народни (фолклорни) песни[уреди | уреди извор]

Видеоспот Година Режисер
Куме заиграј - -
Душа ми е полна - -
Ах,пусти пари - -EV Production
Поделен живот - -EV Production
Мајка има едно чедо - -IN production
Зировница 2015 -EV Production
Мака ме натера 2016 IN Production
Гледај ме,гледај 2016 -IN Production

2S

Невеста 2016 -In Production
Една е мајка 2017 -In Production
Срце бакшиш ќе ти дадам 2017 -IN Production

-Nono

Македонијо, мајко страдалнице 2018 Даниел Јовески

Надворешни врски[уреди | уреди извор]

Наводи[уреди | уреди извор]