Данијел Живковиќ
| Данијел Живковиќ | |
|---|---|
| |
| Живковиќ во април 2023 | |
| Пратеник | |
| На должноста | |
| Стапил 1 јули 2017 | |
| Лични податоци | |
| Роден(а) | 15 август 1987 Плевља, СР Црна Гора, СФР Југославија |
| Националност | Црногорец |
| Партија | Демократска партија на социјалистите на Црна Гора |
| Установа | Универзитет на Црна Гора |
Данијел Живковиќ (црногорски: Данијел Живковић; роден на 15 август 1987 година) ― црногорски политичар кој e пратеник во Собранието на Црна Гора од 1 јули 2017 година и вршител на должноста претседател на Демократската партија на социјалистите (ДПС) од 6 април 2023 година. Тој го наследил долгогодишниот претседател на ДПС, Мило Ѓукановиќ, кој поднел оставка по поразот од Јаков Милатовиќ на претседателските избори во 2023 година.
Политичка кариера
[уреди | уреди извор]Живковиќ ја започнал својата политичка кариера во 2014 година кога бил избран за член на општинското собрание на Плевља како член на владејачката Демократска партија на социјалистите (ДПС) и за претседател на нејзината општинска парламентарна група.
По оставката на Павле Горановиќ како пратеник на ДПС во Собранието на Црна Гора, Живковиќ станал пратеник на 1 јули 2017 година.[1] Тој бил реизбран за пратеник на парламентарните избори во 2020 година и бил именуван за претседател на пратеничката група на ДПС.[2]
Тој бил назначен за вршител на должноста претседател на ДПС на 6 април 2023 година по оставката на долгогодишниот претседател на ДПС, Мило Ѓукановиќ, кој поднел оставка по неговата загуба од Јаков Милатовиќ на претседателските избори во 2023 година.[3]
Политички ставови
[уреди | уреди извор]Живковиќ е критичар на Србија и Русија, наведувајќи дека српскиот претседател Александар Вучиќ сака да го „наруши нашиот суверенитет“.[4]
Наводи
[уреди | уреди извор]- ↑ „Danijel Živković novi poslanik“. old.dan.co.me. Посетено на 2023-04-06.
- ↑ „Skupština Crne Gore“. Skupština Crne Gore. Посетено на 15 јануари 2024.
- ↑ „Biografija Danijela Zivkovica, v.d. predsjednika DPS“. vijesti.me (Montenegrin). Посетено на 15 јануари 2024.
- ↑ „Danijel Živković, predsjednik DPS-a: Crna Gora neće biti Bjelorusija, Vučić želi narušiti naš suverenitet“. Dnevni avaz. Посетено на 15 јануари 2024.