Светиот и Велик манастир Ватопед (грчки: Βατοπέδι) е православен манастир на Света Гора, Грција. Манастирот бил обновуван повеќе пати за време на неговата историја, особено во византискиот период и во 18ти и 19ти век. Повеќе од 120 монаси живеат во манастирот.
Ватопед бил изграден на местото на ранохристијанска населба од доцната антика. Во 2000 година биле откриени темелите на ранохристијанска базилика северно од католиконот.[1]
Ватопед бил основан во втората половина на 10ти век од тројца монаси, Атанасиј, Никола, и Антониј, од Адријанопол, кои биле ученици на Атанасиј Атонски.
