Бенди
 Шведско првенство, финале-жени, 2015 година | |
| Највисоко владеечко тело | Меѓународна бенди федерација (FIB) |
|---|---|
| Прекар(и) | Зимски фудбал[1] |
| Почеток | 1882, Англија, ОК |
| Карактеристики | |
| Членови на екипата | 11 играчи на терен |
| Категоризација | |
| Олимписки | - Демонстративен спорт во 1952 - (признаен како спорт од МОК во 2001) |
| Параолимписки | Не |
Бенди ― зимски екипен спорт кој се игра на голема ледена површина (во сала или на отворено) при што играчите од две екипи на лизгалки и со користење на стапови се трудат да го стават топчето во голот на противничката екипа.[2] [3]
Бенди се игра на т.н. бенди-терен или бенди-лизгалиште, што всушност е рамна замрзната површина со димензии 90–110 метри на 45–65 метри, односно приближно колку едно фудбалско игралиште. Теренот е значително поголем од лизгалиштата кои обично се користат за хокеј на мраз. Правилата се слични на фудбалските правила: мечот се состои од две полувремиња кои траат по 45 минути, секоја екипа има 11 играчи (а еден од нив е голман), се користи една топка, теренот е со слична големина како фудбалскиот терен и постои правило за офсајд.
Бенди како спорт има заедничко потекло со фудбалот, хокејот на мраз, шинти и хокејот на трева. Потеклото на бенди е предмет на расправа, но неговите први правила биле напишани и објавени во Англија во 1882 година.
Најсилни држави во бенди во машка и женска конкуренција во моментов се Шведска и Русија; и двете земји имаат свои професионални машки бенди лиги. Во Русија, се проценува дека повеќе од еден милион луѓе играат бенди. Има организирани лигашки натпревари и во други земји, како: Финска, Норвешка и Казахстан. Главниот меѓународен натпревар за бенди за мажи е Светскиот шампионат во бенди, а главниот меѓународен натпревар за бенди за жени е Светскиот шампионат во бенди за жени.
Од 1890-тите до 1955 година, немало меѓународно раководно тело за бенди. Меѓународното раководно тело за бенди денес е Меѓународната бенди федерација (ФИБ) која била основана во февруари 1955 година. Во 2001 година, бенди бил признат како спорт од страна на Меѓународниот олимписки комитет.[4] МОК ги признава и традиционалниот бенди со единаесет играчи во една екипа и бенди на лизгалиште (кој се игра на помало лизгалиште).
Наводи[уреди | уреди извор]
- ↑ Arlott, John, уред. (1975). „Bandy“. The Oxford Companion to Sports & Games. Oxford: Oxford University Press. ISBN 978-0-19-211538-6.CS1-одржување: датум и година (link)
- ↑ „Edsbyn Sandviken SM – Final in Upssala“. YouTube. Посетено на 7 February 2014.
- ↑ Ninh.co.uk: "The Rules of Bandy - EXPLAINED!", retrieved 14 October 2017
- ↑ Max Winters (28 February 2017). „Russian Bandy Federation to act after teams score 20 own goals in one match“. Inside the games (англиски).
Надворешни врски[уреди | уреди извор]
- „Што е бенди?“. Архивирано од изворникот на 27 October 2009. Посетено на 10 November 2011.CS1-одржување: бот: непознат статус на изворната URL (link) – Историјат и правила за бенди.
- Бенди на Curlie (англиски)
- Меѓународна бенди федерација