Амел Тука
 | |||||||||||||
| Лични податоци | |||||||||||||
|---|---|---|---|---|---|---|---|---|---|---|---|---|---|
| Националност | Босанец | ||||||||||||
| Роден(а) | 9 јануари 1991 Какањ,  СФРЈ; денес  Босна и Херцеговина | ||||||||||||
| Спорт | |||||||||||||
| Земја |  Босна и Херцеговина | ||||||||||||
| Спорт | Атлетика | ||||||||||||
| Дисциплини | 800 м | ||||||||||||
| Успеси и титули | |||||||||||||
| Лични рекорди | 400 метри: 47,19[1] 800 метри: 1:42,51[1] | ||||||||||||
Освоени медали
| |||||||||||||
Амел Тука (роден на 9 јануари 1991 г.) е босански атлетичар кој е специјализиран за трката на 800 метри. Во сопственост на Тука се босанските рекорди на трките на 400 и 800 метри.
На Светското првенство 2015, Тука го освоил бронзениот медал на трката на 800 метри, со што на својата земја ѝ го донел првиот медал од светските првенства.
Кариера[уреди | уреди извор]
Тука со атлетика почнал да се занимава сосема случајно во 2008 година, кога како ученик во трета година во СТУ „Кемал Капетановиќ“ од Какањ, учествувал на мали олимписки игри во Зеница и победил на трката на 400 метри. Тренерот на АК Зеница, Халид Седиќ го повикал на разговор, после кој Тука станал член на клубот. Тој живеел во Какањ, па така морал секој ден да доаѓа на тренинзи во Зеница. Само неколку месеци подоцна, Тука постигнал одлични резултати на јуниорското првенство на БиХ, победувајќи на трките на 400 и 800 метри. Тука станал дел од репрезентацијата и учествувал на Балканското првенство во Грција, каде завршил на третото место. После овие успеси, тој бил прогласен за атлетско откритие на годината во БиХ.[2]
Во јуни 2013, Тука победил на трката на 800 метри од третата лига на Европското екипно првенство, забележувајќи време од 1:51,11. Еден месец подоцна, тој го освоил бронзениот медал на Европското првенство до 23 години на трката на 800 метри, забележувајќи државен рекорд од 1:46,29.[3] По првенството, Тука се преселил во Верона, Италија за да тренира со тренерот Џани Џидини.[4]
На Европското првенство 2014 во Цирих, Тука завршил на 6 место во финалето на трката на 800 метри, соборувајќи го сопствениот рекорд и поставувајќи нов од 1:46,12.[5]
На 1 јули 2015, Тука бил победник на трката на 800 метри на меѓународниот митинг во Велење, Словенија и обезбедил пласман на Летните олимписки игри 2016 истрчувајќи време од 1:44,19, со што повторно поставил нов сопствен и државен рекорд.[6] Десет дена подоцна, тој истрчал уште побрзо, победувајќи на трката на 800 метри во Мадрид со време од 1:43,84.[7] На 17 јули 2015, на митингот од дијамантската лига во Монако, Тука повторно го подобрил сопствениот и државниот рекорд на 800 метри истрчувајќи за 1:42,51, резултат кој го прави единаесетти на сите времиња. Тој на целта завршил пред олимпискиот сребрен медалист Најџел Амос и пред светскиот шампион Мохамед Аман.[8]
Лични рекорди[уреди | уреди извор]
| Дисциплина | Резултат | Место | Датум | |
|---|---|---|---|---|
| 800 метри | На отворено | 1:42,51 | Монако, Монако | 17 јули 2015 |
| Во сала | 1:48,86 | Истанбул, Турција | 21 февруари 2015 | |
| 400 метри | На отворено | 47,19 | Бар, Црна Гора | 1 мај 2013 |
Наводи[уреди | уреди извор]
- ↑ 1,0 1,1 All-Athletics. „Athlete profile for Amel Tuka“. Архивирано од изворникот на 2017-11-16. Посетено на 2015-08-23.
- ↑ "Amel Tuka, otkriće bh. atletike: 'Moramo vjerovati u sebe'", Novo vrijeme.
- ↑ EAA. „2013 European U23 Championships Results“. Архивирано од изворникот на 2013-08-20. Посетено на 2015-08-23.
- ↑ LetsRun.com (July 17, 2015). „Rest of Monaco: A Guy You've Never Heard of From Bosnia Runs 1:42.51, Boris Borian Runs 1:43.34, The Clean World Record in the Shot Put by Kovacs? and Ghribi Runs World Leading Steeple“.
- ↑ Klix: Amel Tuka šesti na Evropskom prvenstvu, oborio lični i bh rekord, (бошњачки) 15 август 2014
- ↑ [1] Архивирано на 10 јули 2015 г. Zenica blog: Novi rekord: Amel Tuka ide na olimpijadu u Rio! 2 July 2015
- ↑ [2] IAAF: Tuka times his finish to perfection. 11 July 2015
- ↑ http://www.iaaf.org/competitions/iaaf-diamond-league/herculis-5639/results/men/800-metres/final/result