Амандин Лејно

Од Википедија — слободната енциклопедија
Прејди на: содржини, барај
Амандин Лејно
Amandine Leynaud.jpg
Лични податоци
Роден(а) 2 мај 1986 (1986-05-02) (28 г.)
Обена, Франција
Висина &100000000000001780000001,78 м
Тежина 64 кг.
Позиција Голман
Прекар Дуду
Клупски податоци
Тековен клуб Македонија ЖРК Вардар СЦБТ
Број 12
Младински клубови
-2003
2003-2004
Франција Обенас
Франција ДХБ Бург
Сениорски клубови
2004–2012
2012-2013
2013-
Франција Мец
Романија Олтчим Валчеа
Македонија ЖРК Вардар СЦБТ
Репрезентација
2005– Франција Франција 136 (1)

Амандин Лејно (родена на 2 Мај 1986 год. во Обена) е француска ракометарка која игра во македонскиот клуб ЖРК Вардар[1] и за репрезентацијата на Франција.

Кариера[уреди]

Клупска кариера[уреди]

Амандин Лејно започнала да тренира ракомет во родниот град Обенас во Франција, каде настапувала до 2003 година, а како јуниорка една сезона играла и во екипата на ДХБ Бург. Во 2004 година Лејно потпишала договор со најуспешниот француски клуб, Мец и на 18-годишна возраст ја започнала својата професионална карира. Во осум сезони поминати на голот на Мец, Лејно освоила шест титули шампион на Франција, седум титули во купот на лигата и една титула во францускиот куп. Таа била прогласена за најдобар голман во француското првенство во 2008 година.

Во март 2012, година Лејно потпишала за романскиот шампион Олтчим Валчеа, но поради повреда на лигаментите на коленото не одиграла ниту еден официјален натпревар за романската екипа.[2][3] Од март 2013 година Лејно е ракометарка на ЖРК Вардар СЦВТ.

Репрезентативна кариера[уреди]

Во репрезентацијата на Франција Лејно дебитирала во 2005 година, а по пензионирањето на Валери Никола во 2008 година, таа станала прв голман во францускиот национален тим. Со репрезентацијата на Франција Лејно има сребро од СП 2008 во Кина и од СП 2011 во Бразил и 5. место на СП 2007 во Франција.

Од настапите на европските превенства, таа има 14. место на ЕП 2008 во Македонија и 5. место на ЕП 2010 во Норвешка и Данска. Амандин Лејно била дел од составот на Франција и на последните две олимпијади. На игрите во 2012 таа била трет најдобар голман на турнирот со процент на одбранети удари од 38%.[4]

Наводи[уреди]