Њујоршка декларација за шуми
Њујоршка декларација за шумите ― доброволна и неправно обврзувачка политичка декларација која произлегла од дијалогот меѓу владите, претпријатијата и граѓанското општество, поттикнат од Климатскиот самит на генералниот секретар на Обединетите нации, одржан во Њујорк во 2014 година.[1]
Декларацијата ветува дека ќе ја преполови стапката на обесшумување во период 2020–2030 година и ќе обнови стотици милиони хектари деградирана земја. Предложениот повраток на земјиштето е опишан како покривање на „површина поголема од Индија“.
Доброволна Дејствувачка агенда ја придружува Декларацијата, обезбедувајќи „водич за владите, претпријатијата и организациите во врска со разновидните дејства што можат да ги постигнат преобразувачките цели [на Декларацијата]“.
Советодавна фирма со седиште во Вашингтон, Climate Advisers (во превод Климатски советници), го напишала нацртот на Декларацијата. Потпишан е од 37 влади, 20 месни влади, 53 повеќенационални претпријатија, 16 групи кои ги претставуваат домородните заедници и 63 невладини организации . Тие ги вклучиле земјите-членки на ЕУ, Канада, Јапонија, Кенија и Етиопија.[2][3]
Декларацијата е воглавно прифатена. Владите на Германија, Норвешка и Обединетото Кралство на Велика Британија и Северна Ирска објавиле заедничка изјава во која силно ја поддржуваат декларацијата и ги обврзуваат нивните влади да ги „зајакнат постојните и да создадат нови партнерства со шумските земји кои дизајнираат стратегии за зелен раст, со водечки претпријатија од приватниот сектор отстранување на уништувањето на шумите од нивните синџири на снабдување, и со финансискиот сектор, граѓанското општество и другите влади дарители да ги усогласат стимулациите, да ги преобразуваат пазарите и да ја намалат рамнотежата против уништувањето на шумите“,[4] заедно со финансиската обврска за финансирање до 20 нови програми предмет на цврсти, веродостојни предлози што ги даваат земјите во развој.[5]
Некои невладини организации исто така ги истакнале ограничувањата на Декларацијата.[6][7] Во септември 2019 година, бил објавен петгодишниот извештај за проценка „Напредокот на Њујоршката декларација за заштита на шумите и обновување на шумите - приказна за големи обврски, но ограничен напредок“.
Поврзано[уреди | уреди извор]
Наводи[уреди | уреди извор]
- ↑ „Forests: Action Statements and Action Plans“ (PDF). Un.org. Архивирано од изворникот (PDF) на 2017-12-07. Посетено на 4 октомври 2023.
- ↑ „Five years after New York declaration, forest promises go unmet“. Climate Home News. 12 септември 2019.
- ↑ „Endorsers of the New York Declaration on Forests“. Forest Declaration.
- ↑ „Joint statement on REDD+“. GOV.UK. 23 септември 2014. Посетено на 4 октомври 2023.
- ↑ „Renewed support to reduce emissions through protecting the world's forests - Press releases“. GOV.UK. 23 септември 2014. Посетено на 4 октомври 2023.
- ↑ Lang, Chris. „The New York Declaration on Forests: An agreement to continue deforestation until 2030“. REDD-Monitor.org. Посетено на 4 октомври 2023.
- ↑ „"New York Declaration" on forests commitments are welcome, but immediate action is needed“. Greenpeace.org. 23 септември 2014. Посетено на 4 октомври 2023.