Јунис Џепкоеч Сум

Од Википедија — слободната енциклопедија
Прејди на прегледникот Прејди на пребарувањето
Јунис Џепкоеч Сум
Eunice Jepkoech Sum 2010 ISTAF Berlin.jpg
Јунис Џепкоеч Сум во 2010 година
Лични податоци
НационалностКенија Кенија
Роден(а)10 април 1988 (1988-04-10) (31 г.)
Уасин Гишу, Кенија
Висина&100000000000001590000001,59 м
Тежина53 kg (117 lb)
Спорт
СпортАтлетика
Дисциплини800 м

Јунис Џепкоеч Сум (родена на 10 април 1988 г.) е кениска атлетичарка на средни патеки. Таа го освоила златниот медал на трката на 800 метри на Светското првенство 2013.

Биографија[уреди | уреди извор]

Сум е родена во селото Кесес во округот Уасин Гишу во поранешната провинција Раседна долина и се натпреварувала во седмобој и во ракомет на училиште. Во 2008 таа ја родила ќерката Дијана Џеруто и веќе од 2009 се фокусирала на својата атлетска кариера откако била забележана како се натпреварува во седмобој од поранешната шампионка на 800 метри Џанет Џепкосгеи. На покана на Џепкосгеи, Сум се преселила во Елдорет да тренирата со групата на Џепкосгеи.[1][2]

Својот прв меѓународен настап, Сум го имала на Африканското првенство во 2010 во Најроби на трката на 800 метри, но таа не успеала да се пласира во финалето. На државното првенство на Кенија во 2011, Сум поставила сопствен најдобар резултат од 1:59.66 на трката на 800 метри со што го освоила второто место. Со овој настап таа се квалификувала за трката на 800 метри на Светското првенство 2011 во Тегу, каде својот настап го завршила во полуфиналето.[2]

Сум освоила сребрен медал - нејзин прв медал во меѓународни натпреварувања - на трката на 800 метри на Африканското првенство 2012 одржано во Порто Ново, Бенин. Во финалето, таа го подобрила сопствениот најдобар резултат на 1:59.13, завршувајќи 0.02 секунди зад Франсина Нијонсаба од Бурунди.[3] Сум подоцна во годината учествувала на летните олимписките игри во Лондон, на трката на 1500 метри, но разочарувачки завршила на 10. место и не успеала да се пласира во финалето.[2]

Сум напредувала до највисоки граници на меѓународните натпревари во 2013, изненадувачки освојувајќи го златниот медал на Светското првенство 2013 во Москва, со ново сопствено најдобро време од 1:57.38, оставувајќи го зад себе големиот домашен фаворит Марија Савинова.[4] Кенијката ја победила Савинова и на митингот во Цирих, со што на светската титула ја придодала и титулата победник во дијамантската лига за дисциплината 800 метри.[5]

Сум е прва братучетка на Алфред Кирва Јего, светскиот шампион на 800 метри од 2007 година.[1] Таа е навивач на англискиот клуб Челси.[2]

Лични рекорди[уреди | уреди извор]

Лични рекорди на отворено
Дисциплина Резултат Место Датум
800 метри 1:56.99 Сен Дени, Франција 4 јули 2015
1500 метри 4:01.54 Јуџин, САД 31 мај 2014

Наводи[уреди | уреди извор]

  1. 1,0 1,1 Sum rolls to Daegu under Jepkosgei's wing. Capital FM. 2011-08-03. (Retrieved on 2014-08-25).
  2. 2,0 2,1 2,2 2,3 Sub two zero sum game. IAAF. 2014-05-13. (Retrieved on 2014-08-25).
  3. Watta, Evelyn. Burundian teen Niyonsaba takes dramatic 800m title as Nigeria top medal table in Porto Novo. IAAF. 2012-07-02. (Retrieved on 2014-08-25).
  4. Landells, Steve. Report: Women's 800m final - Moscow 2013. IAAF. 2013-08-18. (Retrieved on 2014-08-25).
  5. Whittington, Jessica. Diamond League titles decided in Zurich. Athletics Weekly. 2013-08-29. (Retrieved on 2014-08-25).

Надворешни врски[уреди | уреди извор]

Награди и достигнувања
Претходник
Една Киплагат
Кенијска спортистка на годината
2014
Наследник
Актуелен