Blues Anytime: An Anthology of British Blues е серија од компилациони албуми каде што се вклучени песни од повеќе Британскиблуз артисти. Трите дела биле издадени од „Immediate Records“ во 1968, проследени од Blues Leftovers во 1969.
Комплетот бил повторно издаден во 1969 насловен како Anthology of British Blues и сменет бил распоред на песните. Првиот бил составен од Vol. 1 страна A, Leftovers страна A, Vol. 3 страна A и Vol. 2 страна Б, а вториот Vol. 1 страна Б, Leftovers страна Б, Vol. 2 страна A и Vol. 3 страна Б. Во 1970, по раскинувањето на договорот со „Immediate Records“, „RCA Victor“ го преработиле оригиналниот Blues Anytime албум под името British Archive Series Volume 1-4.
Во 1996, „Charly Records“ издале компилација на 3 ЦДа насловена како The Immediate Blues Anthology; првите два диска ги вклучувале песните од Blues Anytime Vol. 1, Vol. 2, Vol. 3 и Leftovers презентирани во нивниот оригинален редослед, а третиот диск бил составен од претходно неиздадените песни од „Immediate archives“. Оригиналната серија од компилации била повторно издадена во 2006 од „JVC“ во Јапонија.