Riding with the King е блуз албум од Ерик Клептон и Би Би Кинг кој е издаден во 2000. Овој албум е нивната прва соработка и ја доби греми наградата за најдобар традиционален блуз албум. Албумот го достигна првото место на списокот на најдобри блуз албуми во Билборд магазинот и во САД му е доделен сертификат платина.
Генерлано, албумот бил позитивно искоментиран од музичките критичари иако некои сметале дека можело да биде и подобро.
Riding with the King е првиот албум во соработка на Ерик Клептон и Би Би Кинг.[1] За првпат, заедно свиреле во „Cafe Au Go Go“ во 1967 во Њујорк Сити кога Клептон има 22 години и бил член на „Cream“, но не снимале заедно сè до 1997 кога Кинг соработувал со Клептон за песната „Rock Me Baby“.[3][4] Клептон со задоволство свирел при соработката и отсекогаш сакал да сними албум со Би Би Кинг.[3] Кинг рекол дека често разговарале за тој проект и на тоа додал: „Му се восхитувам на тој човек. Мислам дека тој е број 1 во рокенролот како гитарист и број 1 како одлична личност.“[3] Во времето кога е снимен албумот „Riding with the King“ Клептон имал 55, а Кинг 74 години.
Клептон започнал со снимањето сесии за „Riding with the King“ и вклучил некои од неговите регуларни сесиски музичари во изработката на албумот. Тој, исто така, ги избрал и песните и го продуцирал албумот заедно со неговиот соработник на неколку претходни албуми, Симон Клими.[1] Иако ова асоцира на албум на Клептон кој е снимен со Кинг, Клептон му ја препуштил главната улога на Кинг со тоа што тој преовладува со неговиот вокал и гитарски сола.[5]
Албумот содржи пет песни на Кинг од 1950-тите и 1960-тите: „Ten Long Years“, „Three O'Clock Blues“, „Help the Poor“, „Days of Old“ и „When My Heart Beats Like a Hammer“.[3] Во останатите песни се вклучени „Key to the Highway“ на Биг Бил Брунзи (која Клептон ја снимил во раните 1970-ти со „Derek and the Dominos“), „Worried Life Blues“ на пијанистот од Чикаго Месио Мериведер, преработка од композицијата „Hold On, I'm Comin'“ на Исак Хеис и „Come Rain or Come Shine“.
Песните се микс од акустични („Worried Life Blues“) и електрични песни ("Three O'Clock Blues") и неколку бавни („Ten Long Years“) до средно брзи („Help the Poor“).[2]
[1]
