Билборд (магазин)

Од Википедија, слободната енциклопедија
Прејди на: содржини, барај
Логото на магазинот

Билборд е неделен американски магазин посветен на музичката индустрија, а воедно е и еден од најстарите професионални магазини во светот. Магазинот има меѓународно признати музички листи кои ги рангираат најпознатите песни и албуми во различни категории на неделно ниво. Двете најпознати музички листи на овој магазин се „Билборд Хот 100“ која ги рангира најдобрите 100 песни разделени по жанрови, а позициите се базираат на физичката продажба, дигиталната продажба и емитувањата на радио и вотрата листа е „Билборд 200“, соодветната табела за продажба на албуми.

Историја[уреди]

Билборд е основан со Синсинати на 1 ноември, 1894, од Вилјам Х. Доналдсон и Џејмс Х. Хениган.[1][2] Оригинално е именуван како Рекламен Билборд, весник за објавување на трговски предлози, па од тука и произлегува името.[1] По неколку години од неговото создавање, весникот почнал да пренесува вести во областа на забавата. Билборд станал весник за водење евиденција на циркузи, карневали, забавни паркови, претстави со китови, панаѓури, музички настани и други забавни настани во живо.

Со развивањето на индустријата на џубоксот во текот на 1930-тите, Билборд магазинот започнал да објавува музички листи. Оригинално имало само три пецифицирани жанровски листи, односно поп листа, ритам & блуз и кантри & вестерн листа. Билборд продолжил да објавува вести за карневали, панаѓури, забавни настани итн. се до 1961 кога овие вести биле префрлени во посебен неделен магазин наречен „Amusement Business“.

Од 1961 до 2005, магазинот бил целосно посветен на музичката индустрија. во 2005, магазинот и неговите веб страница се одлучиле да обезбедуваат вести за сите форми на дигитална и мобилна забава.

Наводи[уреди]

  1. 1,0 1,1 Годфри, Донадл Џ.; Леиг, Фредерик А (1998). „Историски речник на американското радио“. Вестпорт, Синсинати: издавател „Greenwood Press“. ISBN 9780313296369. 
  2. Шлагер, Кен (13 декември, 2005). „Историја на Билборд“. „web.archive.org“. архивирано од оригиналот на 13 декември, 2005. http://web.archive.org/web/20051213024449/http://www.billboard.com/bbcom/about_us/bbhistory.jsp. конс. 10 февруари 2010. 

Надворешни врски[уреди]