Ролинг Стоунс

Од Википедија — слободната енциклопедија
Прејди на: содржини, барај


The Rolling Stones
The Rolling Stones, 2005. Од лево кон десно - Чарли Вотс, Кит Ричардс, Мик Џегер, Рон Вуд.
The Rolling Stones, 2005. Од лево кон десно - Чарли Вотс, Кит Ричардс, Мик Џегер, Рон Вуд.
Основни податоци
Потекло Лондон, Англија
Жанр(ови) Рокенрол
Ритам и блуз
Блуз
Кантри
Реге
Години активност 1962 — денес
Прод. куќа/ќи Дека Рекордс, Ролинг Стоунс Рекордс
Веб-место RollingStones.com
Членови
Мик Џегер
Кит Ричардс
Рон Вуд
Чарли Вотс
Некогашни членови
Брајан Џонс (1962–1969) (починат)
Бил Вајман (1962–1993)
Мик Тејлор (1969–1974)
Јан Стјуарт (признат член 1962–1963) (починат)

Ролинг Стоунс (англ. The Rolling Stones) се британски рокенрол бенд кој станал познат во 60тите години. Тие се оригинални во мешањето на разни правци од американските композиции во нова форма на популарна музика. На почетокот на нивната кариера тие свиреле преработки на блуз, ритам и блуз, кантри и рокенрол музика. Нивните први нумери биле преработки на песни Чак Бери, Роберт Џонсон, Скримин Џеј Хокинс, Мади Вотерс и Хенк Вилијамс, меѓу другите. Иако основачите на бендот Мик Џегер и Кит Ричардс се сметаат за едни од најголемите текстописци во популарната музика, бендот никогаш не престанал да биде инспириран и од другите жанрови. Реге, панк, и денс музика, сите жанрови наоѓаат место на нивните плочи.

Гитаристот (и првичниот фронтмен) Брајан Џонс, иако популарен и харизматичен, бил избркан од групата во 1969 и умрел со таинствена смрт подоцна во таа година, претпоставена несреќа во тоа време, иако постојат обвинувања дека тој бил убиен. Џегер и Ричардс ќе го преземат пишувањето на текстови и изведбата. Џонс преферирал да се остане блиску до блуз звукот, иако експериментирал со ситара, но Џегер и Ричардс го прошириле музичкиот пристап на Ролинг Стоунс.